പാരീസ്: ലീഗിലെ ആദ്യമത്സരങ്ങളില്‍ ജയവും തോല്‍വിയുമായി ടീമുകള്‍ മൂന്നാം മത്സരത്തിന്. കഴിഞ്ഞ സീസണിലെ ലീഗ് ചാമ്പ്യന്മാരായ പി.എസ്.ജി ഇത്തവണ ആദ്യ രണ്ടു മത്സരങ്ങളിലും അടിപതറിയ ശേഷമാണ് മൂന്നാം മത്സരത്തിനിറങ്ങുന്നത്.
നെയ്മറടക്കം മൂന്ന് താരങ്ങള്‍ ചുവപ്പുകാര്‍ഡു കണ്ടതോടെ സുപ്രധാന താരങ്ങളില്ലാതെ നാളെ മെറ്റസിനെതിരെ കളിക്കേണ്ടി വരും. നെയ്മറിനൊപ്പം ലെവിന്‍ കുറുസാവ, ലിയാനാര്‍ഡോ പരേഡും ചുവപ്പുകാര്‍ഡ് കണ്ട് പുറത്തായി.പി.എസ്.ജി മെറ്റസിനേയാണ് നേരിടുന്നത്.
കഴിഞ്ഞ മത്സരത്തില്‍ പി.എസ്.ജിയ്‌ക്കെതിരെ ജയം നേടിയെങ്കിലും രണ്ടു താരങ്ങള്‍ക്ക് ചുവപ്പുകാര്‍ഡ് കാണേണ്ടി വന്ന ക്ഷീണം മെര്‍സെല്ലയ്‌ക്കുമുണ്ട്. നാളെ സെന്റ് എറ്റിനേയ്‌ക്കെതിരേയാണ് മര്‍സെല്ല കളിക്കാനിറങ്ങുന്നത്.
പി.എസ്.ജിയ്‌ക്കെതിരെ നിര്‍ണ്ണായക ഗോള്‍ നേടിയ ഫ്ലോറിയാന്‍ തൗവിനേയാണ് താരമായത്. കഴിഞ്ഞ മത്സരത്തില്‍ ജോര്‍ദ്ദാന്‍ അമാവിയും ദാരിയോ ബെനഡിറ്റോയും ചുവപ്പുകാര്‍ഡു കണ്ട് പുറത്തായി.
Comments