കേക്ക് ഇഷ്ടപ്പെടാത്തവരായി ആരും ഇല്ല. കേക്ക് ഇപ്പോള് വീട്ടില് തന്നെ ഉണ്ടാക്കുന്നവരാണ് മിക്ക ആളുകളും. എന്നാല് കുട്ടികളെ ഏറ്റവും കൂടുതല് ആകര്ഷിക്കുന്നത് കേക്കിനു മുകളിലെ ക്രീമാണ്. കേക്ക് ഉണ്ടാക്കുന്നതു പോലെ തന്നെ കേക്കിനു മുകളിലെ ഐസിംഗ് ക്രീമും എളുപ്പം വീട്ടില് നമുക്ക് ഉണ്ടാക്കിയെടുക്കാം. ഇതിനായി ആദ്യം ഒരു ലിറ്റര് പാല് അടി കട്ടിയുളള ഒരു പാത്രത്തില് ഒഴിച്ച് നന്നായി തിളപ്പിയ്ക്കുക. പാല് നന്നായി തിളച്ചുവരുമ്പോള് അതിലേക്ക് നാല് ടീസ്പൂണ് വിനാഗിരി ഒഴിക്കുക. ഓരോ ടീസ്പൂണ് വീതം ഒഴിച്ചു കൊടുത്ത് നന്നായി ഇളക്കി യോജിപ്പിക്കണം. ശേഷം നന്നായി തിളപ്പിക്കുക.
അപ്പോള് പാലു പിരിഞ്ഞു വരും. നന്നായി ഇളക്കിയതിനു ശേഷം തീ ഓഫ് ചെയ്തത് തണുക്കാനായി വയ്ക്കുക. നന്നായി തണുത്ത ശേഷം ഒരു അരിപ്പയില് അരിച്ചെടുക്കുക. അപ്പേള് ചീസ് ലഭിക്കുന്നു. ഇത് മിക്സിയിലിട്ട് നന്നായി അരച്ചെടുക്കുക. ശേഷം ഇത് ഫ്രിഡ്ജില് വച്ച് തണുപ്പിക്കുക. അതിനു ശേഷം ഒരു ബൗളില് നെയ്യോ ബട്ടറോ എടുത്ത് നന്നായി യോജിപ്പിക്കുക അതിലേക്ക് രണ്ട് ടീസ്പൂണ് പൊടിച്ച പഞ്ചസാര ഇട്ടു കൊടുക്കുക. നന്നായി പൊടിയായ പഞ്ചസാര വേണം ഇട്ടു കൊടുക്കാന്.
പഞ്ചസാരയും നെയ്യും കൂടി നന്നായി യോജിപ്പിച്ച ശേഷം ഇതിലേക്ക് തണുക്കാന് വച്ച് ചീസ് കൂടി ഇട്ടു കൊടുക്കുക. ഇത് മൂന്നും നന്നായി ഇളക്കി യോജിപ്പിക്കുക. ആവശ്യമെങ്കില് നേരത്തെ അരിച്ചു വെച്ച പാല് വെള്ളം കൂടി ഇതില് ചേര്ത്തു കൊടുത്താല് നന്നായി യോജിച്ചു കിട്ടും. ഇതോടെ ക്രീം തയ്യാറായി കഴിഞ്ഞു. ഇനി ആവശ്യമെങ്കില് വാനില എസന്സ് കൂടി ചേര്ത്തു കൊടുക്കാം. ഇത് ക്രീമിനു നല്ല ഫ്ളേവര് നല്കുന്നു. ഇത് തണുത്ത ശേഷം നമുക്ക് ഉപയോഗിക്കാം.
