സാധാരണയായി നമ്മൾ ബ്രെഡ് ജാമിനൊപ്പമോ , ബട്ടറിനൊപ്പമോ , ഓംലെറ്റിനോപ്പമോ , ടോസ്സ്റ് ചെയ്തോ ഒക്കെയാണ് കഴിക്കാറുള്ളത് . അതിനാൽ തന്നെ ബ്രെഡ് കൊണ്ട് പാചകത്തിൽ പരീക്ഷണം നടത്തുവാൻ ആഗ്രഹിക്കുന്നവർക്ക് എളുപ്പത്തിൽ തയ്യാറാക്കാവുന്നതും രുചികരവുമായ ഒരു വിഭവമാണ് ബ്രെഡ് ഉപ്പ്മ .
ബ്രെഡ് ഉപ്പ്മ തയ്യാറാക്കുവാൻ വേണ്ടുന്ന ചേരുവകൾ
1 . ബ്രെഡ്
2 . മൂന്ന് തക്കാളി ചെറുതായി അരിഞ്ഞത്
3 . രണ്ട് സവാള ചെറുതായി അരിഞ്ഞത്
4 . രണ്ട് പച്ചമുളക് അരിഞ്ഞത്
5 . ഒരു ടീസ്പൂൺ സാമ്പാർ പൊടി
6 . ഒരു ടീസ്പൂൺ മഞ്ഞൾപ്പൊടി
7 . ഒരു ടീസ്പൂൺ കടുക്
8 . കറിവേപ്പില ആവശ്യത്തിന്
9 . ഉപ്പ് ആവശ്യത്തിന്
10 . ബട്ടർ
11 . ചെറുതായി അരിഞ്ഞ ഒരുപിടി മല്ലിയില
12 . ഒരു ടീസ്പൂൺ വെളിച്ചെണ്ണ
ബ്രെഡ് ഉപ്പുമാവ് തയ്യാറാക്കേണ്ടുന്ന വിധം
1 . ആദ്യമായി ചെയ്യേണ്ടത് ബ്രെഡ് നന്നായി ടോസ്സ്റ്റ് ചെയ്തെടുക്കുക
2 . പിന്നീട് നന്നായി ബട്ടർ പുരട്ടുക . ശേഷം ചെറിയ കഷണങ്ങളായി മുറിച്ചു മാറ്റി വെക്കുക .
3 . ഒരു വലിയ ചീനച്ചട്ടി എടുത്ത് ചൂടാക്കിയതിന് ശേഷം വെളിച്ചെണ്ണ ഒഴിക്കുക . വെളിച്ചെണ്ണ ചൂടായി വരുമ്പോൾ കടുക് പൊട്ടിക്കുക . കടുക് പൊട്ടി കഴിയുമ്പോൾ ഇതിലേക്ക് അരിഞ്ഞു വെച്ചിരിക്കുന്ന സവാളയും പച്ചമുളകും ഇട്ട് വഴറ്റുക .
4 . സവാള നന്നായി വഴന്നതിന് ശേഷം അരിഞ്ഞു വെച്ചിരിക്കുന്ന തക്കാളിയും , കറിവേപ്പിലയും , സാമ്പാർപൊടിയും , മഞ്ഞൾപൊടിയും ചേർത്ത് നന്നായി വഴറ്റുക .
5 . തക്കാളി നന്നായി വെന്ത് വഴന്നു വന്നതിനു ശേഷം ഇതിലേക്ക് മുറിച്ചു വെച്ചിരിക്കുന്ന ബ്രെഡിന്റെ കഷണങ്ങളും ആവശ്യത്തിന് ഉപ്പും ചേർത്ത്, മസാല ബ്രെഡിന്റെ കഷണങ്ങളിൽ നന്നായി പിടിക്കുന്നത് വരെ ചെറു തീയിൽ ഇളക്കി കൊടുക്കുക .
6 . എല്ലാ ചേരുവകളും നന്നായി ബ്രെഡിൽ പിടിച്ചു ആവശ്യത്തിന് വേവായതിന് ശേഷം , അല്പം മല്ലിയില തൂവി അടുപ്പിൽ നിന്ന് വാങ്ങാവുന്നതാണ് .
രുചികരമായ ബ്രഡ് ഉപ്പ്മ തയ്യാർ .
Comments