മലബന്ധത്തെ ഫലപ്രദമായി നേരിടാനുള്ള നിരവധി മാർഗ്ഗങ്ങൾ നമ്മുടെ വീട്ടിൽ തന്നെയുണ്ട് . ശരിയായ രീതിയിൽ ഉള്ള ഭക്ഷണക്രമം മലബന്ധത്തിൽ നിന്ന് ആശ്വാസവും അതില്ലാതാക്കാനും സഹായിക്കും . നാരുകൾ ധാരാളമായി അടങ്ങിയ ഭക്ഷണം കഴിക്കുക എന്നുള്ളതാണ് മലബന്ധത്തിനുള്ള ഏറ്റവും ഉചിതമായ പരിഹാരം .ധാരാളം വെള്ളം കുടിക്കുന്നതും ജലാംശം കൂടുതലായിട്ടുള്ള ഭക്ഷണം കഴിക്കുന്നതും മലബന്ധം തടയാനുള്ള ഏറ്റവും ഉചിതമായ മറ്റൊരു പരിഹാരം ആണ് . വീട്ടിൽ തന്നെ തയ്യാറാക്കാവുന്ന ചില ജ്യൂസുകൾ മലബന്ധം തടയാനും സഹായിക്കും കൂടാതെ ധാരാളം പോഷകങ്ങളും ശരീരത്തിന് നൽകും .
വീട്ടിൽ തന്നെ തയ്യാറാക്കാവുന്ന ചില ജ്യൂസുകൾ ഇവയാണ്
1 . ആപ്പിൾ ജ്യൂസ്
ധാരാളം പോഷകങ്ങൾ അടങ്ങിയ ഒരു ഫലവർഗ്ഗമാണ് ആപ്പിൾ . കൂടാതെ ആപ്പിളിൽ കൊഴുപ്പും കലോറിയും തീരെ അടങ്ങിയിട്ടില്ല . അതിനാൽ ആപ്പിൾ ജ്യൂസ് നിങ്ങളുടെ ആഹാരക്രമത്തിന്റെ ഒരു ഭാഗം ആക്കുകയാണെങ്കിൽ മലബന്ധം ഉണ്ടാവാതെ നോക്കാൻ സഹായിക്കും .
2 . നാരങ്ങാ വെള്ളം
വിറ്റാമിൻ സി ധാരാളമായി അടങ്ങിയിട്ടുള്ള നാരങ്ങാ നീര് ആരോഗ്യത്തിനും ചർമ്മ സംരക്ഷണത്തിനും ഉത്തമമായ ഒരു ഔഷധമാണ് . അല്പം നാരങ്ങാ നീര് ചെറു ചൂടുവെള്ളത്തിൽ കലക്കി കുറച്ചു തേനും കൂടി ചാലിച്ചു ദിനവും കുടിക്കുകയാണെങ്കിൽ മലബന്ധം ഉണ്ടാവാതെ നോക്കാൻ സഹായിക്കും .
3 . മൊസംബി ജ്യൂസ്
മൊസംബി ജ്യൂസിൽ ഉദരത്തിൽ അടിഞ്ഞു കൂടിയിട്ടുള്ള വിഷാംശം നീക്കം ചെയ്യാൻ സഹായിക്കുന്ന ആസിഡുകൾ അടങ്ങിയിരിക്കുന്നതിനാൽ, ഇത് കഴിക്കുന്നത് മലബന്ധത്തിന് നല്ലൊരു പരിഹാരമാണ് .
4 . പൈനാപ്പിൾ ജ്യൂസ്
പൈനാപ്പിൾ ജ്യൂസിൽ ധാരാളം ദ്രാവകങ്ങളും വെള്ളവും അടങ്ങിയിരിക്കുന്നതിനാൽ മലബന്ധം നീക്കം ചെയ്യാൻ ഇത് കഴിക്കുന്നത് സഹായകമാകും .
5 . തണ്ണിമത്തൻ ജ്യൂസ്
ജലാംശം ധാരാളം അടങ്ങിയ ഒരു ഫലവർഗ്ഗമാണ് തണ്ണി മത്തൻ . തണ്ണി മത്തൻ കഴിക്കുന്നതും ജ്യൂസ് അടിച്ചു കുടിക്കുന്നതും മലബന്ധം ഒഴിവാക്കാൻ നല്ലൊരു പരിഹാരമാണ് .
