ഒരു രൂപാ നാണയം കയ്യിലുണ്ടോ, 25 ലക്ഷം നേടാം. കേൾക്കുമ്പോൾ ഇതൊരു തട്ടിപ്പ് പരസ്യ വാചകമാണെന്ന് തോന്നിയേക്കാമെങ്കിലും സംഭവം സത്യമാണ്. പക്ഷെ ചില നിബന്ധനകൾ ഉണ്ടെന്ന് മാത്രം. കൂടുതലൊന്നുമല്ല നാണയത്തിന് കുറഞ്ഞത് 100 വർഷമെങ്കിലും പഴക്കമുണ്ടാകണം.
എന്താണ് സംഗതിയെന്നല്ലേ ചിന്തിക്കുന്നത്. സംഭവം ഇത്രയേയുള്ളു. അപൂർവ്വവും പുരാതനവുമായ നാണയങ്ങൾ ലേലം ചെയ്യാനുള്ള അവസരം ഒരുക്കിയിരിക്കുകയാണ് ഇന്ത്യാ മാർട്ട്. പുരാതനമായ നാണയം നിങ്ങളുടെ കൈവശം ഉണ്ടെങ്കിൽ നിങ്ങൾക്കും ലക്ഷങ്ങൾ സ്വന്തമാക്കാം. 1913 ലെ ഒരു രൂപാ നാണയം നിങ്ങളുടെ കൈവശം ഉണ്ടെങ്കിൽ 25 ലക്ഷം രൂപയെങ്കിലും നിങ്ങൾക്ക് ലഭിക്കും. വിക്ടോറിയൻ കാലഘട്ടത്തിൽ നിർമ്മിച്ച ഈ വെള്ളിനാണയത്തിന് 25 ലക്ഷം രൂപയാണ് വില നിശ്ചയിച്ചിരിക്കുന്നത്.
1818 ൽ നിർമ്മിച്ച് ഈസ്റ്റ് ഇന്ത്യാ കമ്പനിയുടെ നാണയത്തിന് 10 ലക്ഷം രൂപയാണ് ഇന്ത്യാ മാർട്ടിൽ വില നിശ്ചയിച്ചിട്ടുള്ളത്. പുരാതനമായ ഈ നാണയത്തിൽ ഹനുമാന്റെ ചിത്രം ആലേഖനം ചെയ്തിട്ടുണ്ട്.
ഇത്തരത്തിൽ പുരാതനമായ നാണയങ്ങൾ കൈവശമുണ്ടെങ്കിൽ ഇന്ത്യാ മാർട്ട് ഡോട്ട് കോമിൽ അക്കൗണ്ട് ഉണ്ടാക്കി വിൽപ്പനക്കാരനായി രജിസ്റ്റർ ചെയ്യണം. അതിന് ശേഷം നാണയത്തിന്റെ ചിത്രം അപ്ലോഡ് ചെയ്ത് വിൽപ്പനയ്ക്ക് വെയ്ക്കാം.
പുരാതന വസ്തുക്കൾക്ക് ഡിമാൻഡ് ഏറെയാണ്. എന്തു വില കൊടുത്തും പുരാതന വസ്തുക്കൾ വാങ്ങാൻ ആവശ്യക്കാർ തയ്യാറാകാറുമുണ്ട്. അതിനാൽ തന്നെ ഇത്തരം നാണയങ്ങൾക്ക് മൂല്യവും കൂടുതലാണ്. ഇത്തരം നാണയങ്ങൾ കൈവശം ഉണ്ടെങ്കിൽ നിങ്ങൾക്കും ലക്ഷാധിപതികളാകാം.
