ടോക്കിയോ: ജനങ്ങളെന്നും നടക്കാന് വരുന്ന പാര്ക്കിലെ ശൗചാലയമാണ് ഇപ്പോള് ജപ്പാനിലെ താരം. പാര്ക്കില് ആരുപോയാലും അവിടത്തെ ടോയ്ലറ്റില് ഒരു കുസൃതിക്കായിപ്പോലും ഒന്ന് കയറാന് തോന്നും. എല്ലാം കാണാനാകുന്ന ടോയ്ലറ്റുകളാണ് പാര്ക്കില് രൂപകല്പ്പന ചെയ്തിരിക്കുന്നത്. ഇത്രയും പണം മുടക്കി ഇങ്ങനെയൊരു രസികന് ചുവരുള്ള ശൗചാലയം പണിയേണ്ട കാര്യമുണ്ടോ എന്ന് മലയാളികളായ നമുക്ക് തോന്നുന്നതില് അതിശമില്ല.
പുറത്തു നിന്നു നോക്കുമ്പോള് എല്ലാ കാണുന്ന ടോയ്ലറ്റ് പക്ഷെ കുസൃതിയൊപ്പിക്കാന് തീരുമാനിച്ച് കയറിയവരെ നിരാശപ്പെടുത്തി. കാരണം ആളു കയറി വാതില് പൂട്ടിയാല് ചില്ലുകൂടിന്റെ നിറം ആകെ മാറും. പിന്നെ സാധാരണ ശൗചാലയം പോലെ സുരക്ഷിതവും പുറമേനിന്ന് കാഴച ലഭിക്കാത്തവിധം സാധാരണ ചുവരുപോലെയാകും. വാതിലിന്റെ ലോക്കില് ഘടിപ്പിച്ചിരിക്കുന്ന ഒരു സ്വിച്ചാണ് ഈ നിറം മാറ്റം നല്കുന്നത്.
ജപ്പാനിലെ പ്രസിദ്ധനായ ശില്പ്പി ഷെന്ഗേരു ബാനാണ് ഈ കുസൃതി നിറഞ്ഞ രൂപകല്പ്പനയ്ക്ക് പിന്നില്. ഇതിന് പറയുന്ന കാരണം വളരെ രസകരമാണ്. പൊതു ശൗചാലയങ്ങള് വൃത്തികേടാക്കി ആര്ക്കും ഇറങ്ങിപ്പോരാനാവില്ലെന്നതാണ് ഷെന്ഗേരു കാണുന്ന മെച്ചം.
പുകവലിക്കുന്നവരും മദ്യപാനികളും കയറിയിറങ്ങുമ്പോഴ്ക്കും സാധാരണ ചില്ലായി ചുവരുകള് മാറുന്നതോടെ അതിനകത്ത് കാണിച്ച സംഭവങ്ങള് അടുത്തയാള്ക്ക് പിടികിട്ടും എന്നതാണ് ഒരു ഗുണം. കറുത്തതും വെളിച്ചമില്ലാത്തതും വൃത്തിഹീനവുമായ പൊതു ശൗചാലയങ്ങള്ക്ക് ഇനി വിടനല്കാം. പകരം ലോകം മുഴുവന് നടപ്പാക്കാന് പറ്റിയ ആശയമാണ് സുതാര്യമായ ഇത്തരം പൊതു ശൗചാലയ ആശയമെന്ന് സ്പോണ്സര്മാരായ നിപ്പോണ് ഫൗണ്ടേഷന് പറഞ്ഞു.
Comments