ബെംഗളൂരു: ലൗ ജിഹാദിനെതിരെ നിയമം വേണമെന്നാവശ്യപ്പെട്ട് കർണാടക ആഭ്യന്തരമന്ത്രി ബാസവരാജ് ബൊമൈ. ലൗ ജിഹാദ് സാമൂഹിക വിപത്താണെന്നും ഇതിന് പരിഹാരം കാണാൻ നിയമം അനിവാര്യമാണെന്നും അദ്ദേഹം പറഞ്ഞു. പ്രത്യേക നിയമനിർമ്മാണത്തിനായി സംസ്ഥാന സർക്കാർ നിയമ വിദഗ്ദരുടെ അഭിപ്രായം തേടിയിട്ടുണ്ടെന്നും മന്ത്രി വ്യക്തമാക്കി.
വിവാഹത്തിനായി മതം മാറുന്നത് തടയാൻ സംസ്ഥാനത്ത് നിയമ നിർമ്മാണം നടത്തുമെന്ന് ബിജെപി ദേശീയ ജനറൽ സെക്രട്ടറി സിടി രവിയുടെ ട്വീറ്റിന് പിന്നാലെയാണ് മന്ത്രിയുടെ പ്രതികരണം. ഉത്തർപ്രേദേശ്, മധ്യപ്രദേശ്, ഹരിയാന എന്നീ സംസ്ഥാനങ്ങളിലും ഇത്തരത്തിൽ നിയമ നിർമ്മാണത്തിനൊരുങ്ങുകയാണെന്നും ബാസവരാജ് വ്യക്തമാക്കി.
ലൗ ജിഹാദിനെതിരെ സർക്കാരിന് എന്തെല്ലാം നടപടികൾ സ്വീകരിക്കാനാവുമെന്ന് പരിശോധിക്കുകയാണ്. നിയമ വിദഗ്ധരുടെ തീരുമാനത്തിന്റെ അടിസ്ഥാനത്തിൽ ലൗ ജിഹാദിനെതിരെ നടപടി സ്വീകരിക്കും. എല്ലാ സംസ്ഥാനങ്ങളിലേയും വിവിധ ജനവിഭാഗങ്ങളുടെ ആവശ്യമാണ് ലൗജിഹാദ് തടയുക എന്നതെന്നും മന്ത്രി ബാസവരാജ് കൂട്ടിച്ചേർത്തു.
Comments