മാഡ്രിഡ്: സ്പാനിഷ് ലീഗില് മുന്നിര ടീമുകൾ ഇന്നിറങ്ങുന്നു. മെസ്സിയുടെ നേതൃത്വത്തില് ബാഴ്സലോണ ഇന്ന് രാത്രി റയല് ബെറ്റിസിനെ നേരിടും. മറ്റ് മത്സരങ്ങളില് സെവിയ ഒസാസുനയോടും ഈബര് ഹുയെസ്കയോടും ഏറ്റുമുട്ടും. നാളെ നടക്കുന്ന മത്സരത്തില് അത്ലറ്റിക്കോ മാഡ്രിഡ് കാഡിസിനോടും വിയ്യാറയല് ഗെറ്റാഫയോടും പോരാട്ടത്തിനിറങ്ങും.
ലീഗില് ആറു മത്സങ്ങളിൽ രണ്ടെണ്ണത്തിൽ മാത്രമാണ് ബാഴ്സലോണ ജയിച്ചത്. ഇതോടെ ബാഴ്സ പോയിൻ്റ് പട്ടികയിൽ 12-ാം സ്ഥാനത്താണ്. എതിരാളിയായ റയല് ബെറ്റിസ് 8 മത്സരങ്ങളിൽ 4 ജയങ്ങളോടെ 7-ാം സ്ഥാനത്താണുള്ളത്.
ബാഴ്സയ്ക്കായി മാര്ക്ക് ആന്ദ്രെ ടെർസ്റ്റീഗൻ, ടെനസ്, നേറ്റോ എന്നിവരാണ് ഗോള് കീപ്പറായി ഇറങ്ങാന് സാധ്യത. പ്രതിരോധ നിരയില് സെര്ജീനോ ഡെസ്റ്റ്, ജെറാഡ് പീക്വേ, ലെംഗ്ലെറ്റ് എന്നിവര്ക്കൊപ്പം ജോര്ദീ ആല്ബയും ഇറങ്ങും. മെസ്സിക്കും ആന്സൂ ഫാത്തിയും ഗ്രീസ്മാനും മുന്നേറ്റനിരയിലെ പട്ടികയിലുണ്ട്. നാലാമനായി ഡെംബാലേ, ബ്രാത്ത്വെയിറ്റ്, ട്രിന്കാവോ, ഫുയിന്റേ എന്നിവരില് ഒരാളിറങ്ങും.
ലീഗിലെ പോയിന്റ് നിലയില് റയല് സോസീഡാഡാണ് മുന്നിലുള്ളത്. എട്ടു മത്സരങ്ങളിലായി അഞ്ച് ജയമാണ് അവര്ക്കുള്ളത്. രണ്ടാം സ്ഥാനത്ത് റയല് മാഡ്രിഡും മൂന്നാം സ്ഥാനത്ത് വിയ്യാ റയലും നാലാം സ്ഥാനത്ത് അത്ലറ്റിക്കോ മാഡ്രിഡുമാണുള്ളത്.
