‘ഫുട്‌ബോളിനെ നശിപ്പിക്കുകയാണോ?’; മാഞ്ചസ്റ്റര്‍ സിറ്റി സി.ഇ.ഒയോട് ചോദ്യങ്ങള്‍, മറുപടി ‘താങ്ക്യൂ’

മാഞ്ചസ്റ്റര്‍: പ്രീമിയര്‍ ലീഗിന്റെ സാമ്പത്തിക നിയമങ്ങള്‍ ലംഘിച്ചെന്ന കേസില്‍ മാഞ്ചസ്റ്റര്‍ സിറ്റി കുറ്റക്കാരെന്ന് സ്വതന്ത്ര കമ്മീഷന്റെ കണ്ടെത്തല്‍. 2009-10 മുതല്‍ 2017-18 വരെയുള്ള ഒമ്പത് സീസണുകളില്‍ സ്‌പോണ്‍സര്‍ഷിപ്പ് കരാറുകളിലൂടെ വരുമാനം പെരുപ്പിക്കുകയും ചെലവ് കുറച്ചുകാണിക്കുകയും ചെയ്‌തെന്ന കണ്ടെത്തലാണ് പുറത്തുവന്നത്. ഇത്തരത്തില്‍ വരുമാനവും ചെലവും തമ്മില്‍ 900 മില്യണ്‍ പൗണ്ടിലേറെ വ്യത്യാസം സൃഷ്ടിച്ചെന്നാണ് പ്രീമിയര്‍ ലീഗിന്റെ നിലപാട്.

സ്‌പോണ്‍സര്‍മാരുമായുള്ള ചില കരാറുകള്‍ ‘ഷാം’ കരാറുകളായിരുന്നെന്നും ഉടമസ്ഥരുമായി ബന്ധപ്പെട്ട അബുദാബി ഗ്രൂപ്പില്‍നിന്നുള്ള ഫണ്ടിങ് മറച്ചുവെക്കാന്‍ ഇത്തരം സംവിധാനങ്ങള്‍ ഉപയോഗിച്ചെന്നുമാണ് കമ്മീഷന്റെ കണ്ടെത്തല്‍. കേസില്‍ മാഞ്ചസ്റ്റര്‍ സിറ്റിക്കെതിരായ 115 ആരോപണങ്ങളില്‍ 114 എണ്ണത്തിലും കുറ്റക്കാരാണെന്ന് നേരത്തെ റിപ്പോര്‍ട്ടുകള്‍ പുറത്തുവന്നിരുന്നു. സെപ്റ്റംബര്‍ 29ന് പ്രീമിയര്‍ ലീഗ് കമ്മീഷന്‍ കണ്ടെത്തലുകള്‍ ഔദ്യോഗികമായി സ്ഥിരീകരിച്ചു.

പ്രീമിയര്‍ ലീഗ് കണ്ടെത്തല്‍ പുറത്തുവന്നതിന് പിന്നാലെ മാധ്യമപ്രവര്‍ത്തകന്‍ റോബ് ഹാരിസ് സൊറിയാനോയോട് പ്രതികരണം തേടി. ”ഫുട്‌ബോള്‍ ആരാധകരോട് മാപ്പുപറയാനുണ്ടോ?” എന്ന ചോദ്യത്തിന് ”എനിക്ക് ഒന്നും പറയാനില്ല” എന്നായിരുന്നു മറുപടി. അപ്പീലില്‍ സിറ്റി വിജയിക്കുമെന്ന് ഉറപ്പുണ്ടോയെന്ന ചോദ്യത്തിനും അദ്ദേഹം മറുപടി നല്‍കിയില്ല. പ്രീമിയര്‍ ലീഗ് ‘ഷാം’ കരാറുകളെക്കുറിച്ച് പറയുന്നുണ്ടല്ലോ, ”ഇത് ഒരു ‘ഷാം’ ക്ലബാണോ? നിങ്ങള്‍ ഫുട്‌ബോളിനെ നശിപ്പിക്കുകയാണോ?” എന്ന ചോദ്യത്തിന് സൊറിയാനോ ”താങ്ക്യൂ, താങ്ക്യൂ” എന്ന് മാത്രമാണ് പ്രതികരിച്ചത്. തുടര്‍ന്ന് വീണ്ടും പ്രതികരണം ആവശ്യപ്പെട്ടപ്പോഴും അദ്ദേഹം അതേ മറുപടി നല്‍കി മടങ്ങുകയായിരുന്നു.

Don’t miss the latest breaking news and updates! Subscribe to Janam TV’s WhatsApp channel now…

https://whatsapp.com/channel/0029Va4LMqWE50UdrVhraq0y

കുറ്റക്കാരെന്ന് കണ്ടെത്തിയെങ്കിലും മാഞ്ചസ്റ്റര്‍ സിറ്റിക്കുള്ള ശിക്ഷ ഇതുവരെ പ്രഖ്യാപിച്ചിട്ടില്ല. പ്രത്യേക നടപടിയിലൂടെയായിരിക്കും ശിക്ഷ സംബന്ധിച്ച തീരുമാനം കൈക്കൊള്ളുകയെന്ന് പ്രീമിയര്‍ ലീഗ് വ്യക്തമാക്കി. പിഴ, പോയിന്റ് കുറയ്‌ക്കല്‍, മത്സരത്തില്‍നിന്നുള്ള സസ്പെന്‍ഷന്‍, പ്രീമിയര്‍ ലീഗില്‍നിന്നുള്ള പുറത്താക്കല്‍ എന്നിവ നിയമപ്രകാരം സാധ്യമായ നടപടികളില്‍ ഉള്‍പ്പെടുന്നു. എന്നാല്‍ സിറ്റിയുടെ അപ്പീല്‍ നടപടിയുടെ ഫലവും തുടര്‍ നടപടികളെ സ്വാധീനിക്കും.

കേസിന്റെ തുടക്കം 2023 ഫെബ്രുവരിയിലായിരുന്നു. 200910 മുതല്‍ 201718 വരെയുള്ള സാമ്പത്തിക വിവരങ്ങള്‍ സംബന്ധിച്ച നിയമങ്ങള്‍ ലംഘിച്ചെന്നാരോപിച്ചാണ് പ്രീമിയര്‍ ലീഗ് വിഷയം സ്വതന്ത്ര കമ്മീഷന് കൈമാറിയത്.