ദുബായ്: ഐപിഎല്ലിലെ കലാശപ്പോരാട്ടത്തില് ഡല്ഹി ക്യാപിറ്റല്സിനെതിരെ മുംബൈ ഇന്ത്യന്സിന് 157 റണ്സ് വിജയലക്ഷ്യം. ടോസ് നേടി ആദ്യം ബാറ്റ് ചെയ്ത ഡല്ഹി നിശ്ചിത 20 ഓവറില് 7 വിക്കറ്റ് നഷ്ടത്തില് 156 റണ്സെടുത്തു. അര്ദ്ധ സെഞ്ച്വറി നേടിയ നായകന് ശ്രേയസ് അയ്യരുടെയും ഋഷഭ് പന്തിന്റെയും പ്രകടനമാണ് ഡല്ഹിയ്ക്ക് ഭേദപ്പെട്ട സ്കോര് സമ്മാനിച്ചത്.
രണ്ടാം ക്വാളിഫയറിന് സമാനമായി ഓപ്പണറായി ഇറങ്ങിയ മാര്ക്കസ് സറ്റോയിനിസ് ആദ്യ പന്തില് തന്നെ പുറത്തായി. 15 റണ്സുമായി ധവാനും 2 റണ്സുമായി രഹാനെയും മടങ്ങിയതോടെ ഡല്ഹി പ്രതിരോധത്തിലായി. എന്നാല് ശ്രേയസ് അയ്യരും ഋഷഭ് പന്തും ആത്മവിശ്വാസത്തോടെ ബാറ്റ് വീശിയപ്പോള് ഡല്ഹിയുടെ സ്കോര് ബോര്ഡിന് വേഗം കൂടി. 38 പന്തില് നാല് ബൗണ്ടറികളും 2 സിക്സറുകളും പറത്തിയ ഋഷഭ് പന്ത് 56 റണ്സ് നേടി. 50 പന്തില് 65 റണ്സ് നേടി പുറത്താകാതെ നിന്ന ശ്രേയസ് അയ്യരാണ് ഡല്ഹി നിരയിലെ ടോപ് സ്കോറര്.
മുംബൈയ്ക്ക് വേണ്ടി ട്രെന്ഡ് ബോള്ട്ട് 4 ഓവറില് 30 റണ്സ് വഴങ്ങി 3 വിക്കറ്റ് വീഴ്ത്തി. നഥാന് കൂട്ടര്നൈല് 2 വിക്കറ്റും ജയന്ത് യാദവ് ഒരു വിക്കറ്റും സ്വന്തമാക്കി.
