വ്യത്യസ്തമായ ഫാഷനുകളുമായി ബന്ധപ്പെട്ട് നിരവധി ചിത്രങ്ങളും വീഡിയോകളും സോഷ്യല്‍ മീഡിയയില്‍ സജീവമാണ്. എന്തിനേറെ സോഷ്യല്‍ മീഡിയയില്‍ ഏറ്റവും കൂടുതല്‍ വൈറലാകുന്നത് ഇത്തരത്തിലുള്ള പുതിയ ഫാഷന്‍ രീതികളാണ് എന്നു തന്നെ പറയാം. ഇതിനായുളള കാഴ്ചക്കാരും കുറവല്ല. എന്നാല്‍ സാധാരണയില്‍ നിന്നും വ്യത്യസ്തമായ ഒരു ഹെയര്‍ സ്‌റ്റൈല്‍ ചിത്രമാണ് ഇപ്പോള്‍ സോഷ്യല്‍ മീഡിയയില്‍ വൈറലായി കൊണ്ടിരിക്കുന്നത്. കാഴ്ചയില്‍ ഏറെ കൗതുകവും വാത്സല്യവും തോന്നുന്ന ഒരു കുട്ടി ആനയുടെ വ്യത്യസ്തവും രസകരവുമായ ഒരു ഹെയര്‍ സ്‌റ്റൈല്‍ ചിത്രമാണ് ഇപ്പോള്‍ സോഷ്യല്‍ മീഡിയയില്‍ ശ്രദ്ധ നേടി കൊണ്ടിരിക്കുന്നത്.
ബോബ് കട്ട് സ്‌റ്റൈലിലാണ് ഈ കുട്ടി ആന മുടി വെട്ടി ഒതുക്കിയിരിക്കുന്നത്.മന്നാര്‍ഗുഡി രാജഗോപാലസ്വാമി ക്ഷേത്രത്തിലെ ബോബ് കട്ട് സെങ്കമലം എന്ന കുട്ടിയാനയാണ് ഇതിനോടകം തന്നെ തന്റെ സ്റ്റൈലുമായി സോഷ്യല്‍ മീഡിയയില്‍ താരമായി മാറിയിരിക്കുന്നത്. കാണുമ്പോള്‍ തന്നെ കൗതുകവും വാത്സല്യവും തോന്നുന്ന ബോബ് കട്ട് സെങ്കമലത്തിന് ഇപ്പോള്‍ തന്നെ ആരാധകര്‍ ഏറെയാണ്. വര്‍ഷങ്ങള്‍ക്കു മുന്‍പേ രാജഗോപാലസ്വാമി ക്ഷേത്രത്തിലേയ്ക്ക് കേരളത്തില്‍ നിന്നും കൊണ്ടു വന്നതാണ് ഈ കുട്ടി ആനയെ.
സുന്ദരനായ ഈ കുട്ടി ആനയെ കാണാനായി നിരവധി ആളുകളാണ് രാജഗോപലസ്വാമി ക്ഷേത്രത്തില്‍ എത്തുന്നത്. ബോബ് കട്ട് സെങ്കമലത്തെ പരിപാലിക്കുന്നതും മുടി ചീകിയൊതുക്കി എപ്പോഴും സുന്ദര കുട്ടപ്പനായി കൊണ്ടു നടക്കുന്നത് പാപ്പാനായ രാജഗോപാലാണ്. ഫാഷന്‍ ട്രെന്‍ഡ്കളുമായി ബന്ധപ്പെട്ട നിരവധി ചിത്രങ്ങളും വീഡിയോകളും സോഷ്യല്‍ മീഡിയയില്‍ വൈറലായിട്ടുണ്ട്. എന്നാല്‍ അവയില്‍ നിന്നെല്ലാം ഏറെ വ്യത്യസ്തമായിട്ടാണ് ബോബ് കട്ട് ഹെയര്‍ സ്റ്റൈലുമായി ഒരു ആനക്കുട്ടി സോഷ്യല്‍ മീഡിയയില്‍ ശ്രദ്ധ നേടുന്നത്.
Comments