മാഡ്രിഡ്: സ്പാനിഷ് ലീഗില്‍ ആലാവെസിനോട് സമനില വഴങ്ങി വലന്‍സിയ . രണ്ടാം മത്സരത്തില്‍ അത്‌ലറ്റിക് ക്ലബ്ബിന് റയല്‍ ബെറ്റിസിനെതിരെ 4-0ന്റെ തകര്‍പ്പന്‍ ജയം. മറ്റ് മത്സരങ്ങളില്‍ ഗെറ്റാഫയെ ഈബര്‍ ഗോള്‍ രഹിത സമനിലിയില്‍ പിടിച്ചപ്പോള്‍ റിയല്‍ സോസീഡാഡ് എതിരില്ലാത്ത ഒരു ഗോളിന് കാഡിസിനെ തോല്‍പ്പിച്ചു. വല്ലാഡോലിഡ് ഒന്നിനെതിരെ മൂന്ന് ഗോളുകള്‍ക്ക് ഗ്രനാഡയേയും വീഴ്‌ത്തി.
കരുത്തരായ വലന്‍സിയ അലാവസിനെതിരെ തോല്‍ക്കാതെ രക്ഷപെടുകയായിരുന്നു. 2-2നാണ് വലന്‍സിയ അലാവെസ് മത്സരം പൂര്‍ത്തിയായത്. കളിയുടെ തുടക്കത്തില്‍ തന്നെ 2-0ന്റെ ലീഡ് നേടി അലാവസിനെതിരെ പരിചയ സമമ്പന്നത മുതലാക്കിയാണ് വലന്‍സിയ സമനില പിടിച്ചെടുത്തത്. 2, 16 മിനിറ്റുകളിലാണ് അലാവെസ് വലന്‍സിയയെ ഞെട്ടിച്ചത്. സിമോ നാവാരോയും ലേക്കാസ് പെരസുമാണ് ഗോളടിച്ചത്. രണ്ടാം പകുതിയില്‍ ഉണര്‍ന്നു കളിച്ച വലന്‍സിയയ്‌ക്ക് വേണ്ടി 72-ാം മിനിറ്റില്‍ മാനു വല്ലേജോയും 77-ാം മിനിറ്റില്‍ ഹ്യൂഗോ ഗ്വില്ലാമോനുമാണ് തോല്‍വിയില്‍ നിന്നും രക്ഷിച്ചത്.
ഇതിനിടെ അത്‌ലറ്റിക് ക്ലബ്ബ് റയല്‍ ബെറ്റിസിനെ എതിരില്ലാത്ത നാലു ഗോളുകള്‍ക്ക് തകര്‍ത്തുവിട്ടു. 9-ാം മിനിറ്റില്‍ ബെറ്റിസിന്റെ ഓണ്‍ ഗോളില്‍ അത്‌ലറ്റിക് മുന്നിലെത്തി. തുടര്‍ന്ന് ആന്‍ഡന്‍ കാപ്പയും ഇകര്‍ മുനിയേനും റെമിറോയും ഗോളുകള്‍ നേടി.
