ലണ്ടന്: ഇംഗ്ലീഷ് കാല്പന്തുകളിയുടെ സൗന്ദര്യം തിരികെ കൊണ്ടുവന്ന് ചെല്സിയുടെ കുതിപ്പ്. ഒപ്പം മുന്നേറി മാഞ്ചസ്റ്റര് യുണൈറ്റഡും ചാമ്പ്യന്സ് ലീഗിന്റെ പ്രീക്വാര്ട്ടറിലെ 16 ടീമുകളിലൊന്നായി.
റെന്നസിനെതിരെ 2-1നാണ് ചെല്സിയുടെ നീലപ്പട ജയം നേടിയത്. ഒലിവര് ജിറൗദാണ് വിജയഗോള് നേടിയത്. ഗ്രൂപ്പ് ഇയിലെ പോരാട്ടത്തില് 22-ാം മിനിറ്റില് കല്ലും ഒഡോയിയുടെ ഗോളിലൂടെയാണ് നീലപ്പട ലീഡ് നേടിയത്. എന്നാല് രണ്ടാം പകുതിയില് 85-ാം മിനിറ്റില് സെര്ഹോ ഗുയ്റാസ്സി റെന്നസിനായി സമനില പിടിച്ചു. കളിയുടെ അവസാന നിമിഷത്തെ അധിക സമയത്താണ് ഒലിവിയര് ജിറൗദ് ചെല്സിക്ക് നിര്ണ്ണായകമായ വിജയഗോള് നല്കിയത്.
രണ്ടാം മത്സരത്തില് മാഞ്ചസ്റ്റര് യുണൈറ്റഡ് ഗ്രൂപ്പ് എച്ചില് നിന്നും യോഗ്യതനേടി. ഇസ്താന്ബുള്ളിനെ ഒന്നിനെതിരെ നാലുഗോളിന് തറപറ്റിച്ചാണ് യുണൈറ്റഡിന്റെ തകര്പ്പന് മുന്നേറ്റം. ബ്രൂണോ ഫെര്ണാണ്ടസിന്റെ ഇരട്ടഗോളുകളിലാണ് യുണൈറ്റഡ് മുന്നേറിയത്. 7,19 മിനിറ്റുകളിലെ തകര്പ്പന് ഗോളുകളിലൂടെയാണ് ഫെര്ണാണ്ടസ് ഇംഗ്ലീഷ് നിരയ്ക്ക് ഗംഭീര തുടക്കം നല്കിയത്. 35-ാം മിനിറ്റില് ലഭിച്ച പെനാല്റ്റി മുതലാക്കി മാര്ക്കസ് റാഷ്ഫോഡ് ലീഡ് 3-0 ആക്കി ഉയര്ത്തി. 75-ാം മിനിറ്റില് ഡെനിസ് തുര്ക്കാണ് ഇസ്താന് ബുള്ളിനായി ഏക ഗോള് നേടിയത്. കളിയുടെ അവസാന നിമിഷത്തിലെ അധിക സമയത്ത് യുണൈറ്റഡിനായി ഡാനിയല് ജെയിംസ് നാലാം ഗോളും നേടി.
