മിലാന്: ചാമ്പ്യന്സ് ലീഗ് പോരാട്ടത്തില് ഇ്ന്റര് മിലാനെ തകര്ത്ത് റയല് മാഡ്രിഡ്. ഇന്ന് നടന്ന കരുത്തന്മാരുടെ പോരാട്ടത്തില് എതിരില്ലാത്ത രണ്ടു ഗോളുകള്ക്കാണ് സ്പാനിഷ് ലീഗ് ചാമ്പ്യന്മാര് ഇറ്റാലിയന് കരുത്തന്മാരെ തറപറ്റിച്ചത്.
കളിയുടെ തുടക്കത്തില് തന്നെ റയല് മുന്നിലെത്തി. ഏഴാം മിനിറ്റില് ഇഡന് ഹസാഡിന്റെ വകയായിരുന്നു ആദ്യ ഗോള്. പെനാല്റ്റി മുതലാക്കിയാണ് ഹസാഡ് ഗോള് നേടിയത്. നിര്ഭാഗ്യം പിടികൂടിയ ഇന്ററിന് 33-ാം മിനിറ്റില് പ്രധാനതാരത്തിന് ചുവപ്പുകാര്ഡും കാണേണ്ടിവന്നു. അര്ട്ടാറോ വിദാലാണ് ചുവപ്പ്കാര്ഡ് കണ്ട് പുറത്തുപോയത്. പത്തുപേരുമായി കളിക്കുന്നതിനിടെ സെല്ഫും ഗോളും ഇന്റിന് വഴങ്ങേണ്ടി വന്നു. അറാഫ് ഹക്കീമിയുടെ 59-ാം മിനിറ്റിലെ പിഴവാണ് റയലിന് രണ്ടാം ഗോള് സമ്മാനിച്ചത്.
ഗ്രൂപ്പ് പോരാട്ടത്തിലെ നാലാമത്തെ മത്സരത്തിലാണ് ഇരുടീമുകളും ഏറ്റുമുട്ടിയത്. റയലിന്റെ അടുത്ത മത്സരം ഷാക്തറുമായി ഡിസംബര് ഒന്നാം തീയതിയാണ്. ഇന്റര് മിലാന് അഞ്ചാം മത്സരത്തില് മോണ്ഷെന്ഗ്ലാഡ്മാഷിനെ ഡിസംബര് രണ്ടിനും നേരിടും.
