ന്യൂയോര്ക്ക്: കൊറോണ വ്യാപനത്തിന് എല്ലാം മൂടിവെയ്ക്കുന്ന ചൈനയുടെ സ്വഭാവമാണ് കാരണമെന്നതിന് തെളിവുമായി അന്താരാഷ്ട്രമാദ്ധ്യമങ്ങള് ആഗോളതലത്തില് 6കോടിയിലേറെപ്പേരിലേക്ക് രോഗം പടര്ന്നതിനും പതിനഞ്ച് ലക്ഷത്തിനടുത്ത് ആളുകള് മരണപ്പെട്ടതിനും ചൈനയുടെ പങ്ക് ചെറുതല്ലെന്നാണ് മാദ്ധ്യമങ്ങള് പറയുന്നത്.
ചൈനയുടെ ഭരണകൂടത്തിന്റെ അതീവരഹസ്യ സ്വഭാവം കൊറോണയുടെ വുഹാനിലെ വ്യാപനം പുറത്തറിയിച്ചില്ല. പലരും നഗരം വിട്ട് ലോകത്തിന്റെ പലഭാഗത്തും വൈറസിനെ എത്തിച്ചതോടെയാണ് ചൈനയുടെ നിയന്ത്രണത്തില് നിന്നും വിഷയം കൈവിട്ടതെന്ന് മാദ്ധ്യമങ്ങള് വ്യക്തമാക്കി. പ്രധാന വകുപ്പുകളിലൊന്നും വിദ്ഗ്ധന്മാരല്ല മറിച്ച് ഭരണകൂടത്തിന് ഇഷ്ടമുള്ളവരെയാണ് നിയമിച്ചിട്ടുള്ളതെന്നും മാദ്ധ്യമപ്രവര്ത്തകര് ആരോപിക്കുന്നു.
വുഹാനിലെ ലാബിലെ കെടുകാര്യസ്ഥതയാണ് വൈറസിന്റെ സ്വഭാവം മനസ്സിലാക്കാന് വൈകിയതെന്നും റിപ്പോര്ട്ടില് പറയുന്നു. അതിവിദഗ്ധരായവര് വൈറസ് രഹസ്യം പുറത്തുവിടുമെന്ന ഭീതിയാണ് ചൈനീസ് കമ്യൂണിസ്റ്റ് പാര്ട്ടി നടപടികള് രഹസ്യമാക്കിയതെന്നും റിപ്പോര്ട്ടില് വ്യക്തമാക്കുന്നു. ജനുവരി മാത്രം എത്രയാളുകളിലേക്ക് എത്രവേഗത്തിലാണ് വൈറസ് പടരുന്നതെന്ന കണക്കുകള് ചൈനയുടെ കൈവശം ഉണ്ടായിരുന്നില്ലെന്ന് ചൈനയുടെ ഔദ്യോഗിക വൈറല് ഇന്സ്റ്റിറ്റ്യൂട്ട് രേഖകള് വ്യക്തമാക്കുന്നു. അതിനാല്ത്തന്നെ ലോകാരോഗ്യസംഘടനയ്ക്ക് തുടക്കത്തില് നല്കിയ കണക്ക് തെറ്റായിരുന്നുവെന്നും റിപ്പോര്ട്ട് പറയുന്നു. ആകെ 40 ഡോക്ടര്മാര്ക്കും സി.ഡി.സി എന്ന വൈറോളജി സ്ഥാപനത്തിലെ ഉദ്യോഗസ്ഥര്ക്കും കിറ്റ് നിര്മ്മിക്കാന് ഭരണകൂടം നേരിട്ട് ഏര്പ്പാടാക്കിയ വിദഗ്ധര്ക്കും മാത്രമാണ് വൈറസ് പ്രതിരോധ പ്രവര്ത്തനത്തിനെ സംബന്ധിച്ചുള്ള ധാരണ നിലവിലുള്ളു എന്നും മാദ്ധ്യമങ്ങള് ചൂണ്ടിക്കാട്ടി.
വൈറസ് കണ്ടെത്താനുള്ള കിറ്റുകളുടെ വിതരണത്തിലാണ് രണ്ടാം ഘട്ടത്തില് ചൈന രഹസ്യ സ്വഭാവം നിലനിര്ത്തിയത്. രാജ്യത്തെ എല്ലാ മേഖളകളിലേയും സ്ഥാപനങ്ങള്ക്കും കിറ്റ് നല്കാതെ ഭരണകൂടത്തിന്റെ അടുപ്പക്കാരായ വ്യക്തികളുള്ള ഷാന്ഹായിയിലെ കമ്പനികള്ക്ക് മാത്രമാണ് കിറ്റുകള് വിതരത്തിനുള്ള അനുമതി നല്കിയത്. കിറ്റുകള് വിതരണം ചെയ്തതില് വന് അഴിമതിയാണ് നടക്കുന്നതെന്നും വിവരങ്ങള് പുറത്തുവരികയാണ്.
പരിശോധനകള് നടക്കുന്നത് പ്രധാനഗരങ്ങളില് മാത്രമാണെന്നും എത്രപേര്ക്ക് ചൈനയില് രോഗം ബാധിച്ചെന്നും എത്രപേര് മരിച്ചെന്നും കണക്കുകള് മൂടിവെച്ചിരിക്കുകയാണെന്നും ആരോഗ്യമേഖലയിലെ കമ്പനികള് ആരോപണം ഉന്നയിച്ചതായും മാദ്ധ്യമങ്ങള് ചൂണ്ടിക്കാട്ടുന്നു.
