ന്യൂഡല്ഹി: ഇന്ത്യന് അതിര്ത്തികളില് ഒരു വിട്ടുവീഴ്ചയ്ക്കും തയ്യാറല്ലെന്നും 200 പീരങ്കികള് ഉടന് അണിനിരത്തുമെന്നും കരസേന. നിലവില് ആവശ്യമുള്ളത് 400 എണ്ണമാണെന്നും ഇതില് 200 എണ്ണം ചൈനയുടെ അതിര്ത്തിയിലേക്ക് അയക്കുമെന്നും സേനാ വൃത്തങ്ങള് അറിയിച്ചു.ഇന്ത്യന് അതിര്ത്തിയിലെ തയ്യാറെടുപ്പുകളെക്കുറിച്ച് സംസാരിക്കവേ സംയുക്ത സൈനിക മേധാവി ജനറല് ബിപിന് റാവത്താണ് മുന്നൊരുക്കത്തെക്കുറിച്ച് വിശദമാക്കിയത്.
ഒരു വര്ഷത്തിനുള്ളില് കരസേനയ്ക്കാവശ്യമായ ആധുനിക ആയുധങ്ങള് ലഭ്യമാക്കുമെന്ന് ഡി.ആര്.ഡി.ഒ വ്യക്തമാക്കി. ഇന്ത്യന് സൈന്യത്തിനായി എ.ടി.എ.ജി.എസ് ഹോയിറ്റ്സര് എന്ന വിഭാഗത്തിലെ 200 എണ്ണമാണ് ഡി.ആര്.ഡി.ഒ നിര്മ്മാണത്തിലുള്ളത്. ആവശ്യമുള്ള ബാക്കി 200 എണ്ണം വിദേശത്തുനിന്നും വാങ്ങും. അഡ്വാന്സ്ഡ് ടവര് ഗണ് സിസ്റ്റം ഹോയിറ്റ്സര് എത്രയും പെട്ടന്ന് ഇന്ത്യ സജ്ജീകരിക്കുമെന്നും അതിനൊപ്പം ഇസ്രയേലിന്റെ പീരങ്കികള് ഇന്ത്യന് സേനയുടെ സഹായത്തിനായി ലഭ്യമാകുമെന്നാണ് സൂചന.
ചൈനാ അതിര്ത്തിയില് ഇസ്രയേലിന്റെ പീരങ്കികള് ഉടന് അണിനിരക്കും. ഇന്ത്യന് പീരങ്കികള് മഹാരാഷ്ട്രയിലെ അഹമ്മദ്നഗറില് പരീക്ഷണഘട്ടത്തിലാണ്. ആത്മനിര്ഭര് ഭാരതിന്റെ ഭാഗമായുള്ള ഇന്ത്യയുടെ നിര്മ്മാണ പദ്ധതി ഡി.ആര്.ഡി.ഒ സ്വകാര്യ കമ്പനികളുമായി ചേര്ന്നാണ് നിര്മ്മിച്ചുകൊണ്ടിരിക്കുന്നതെന്നും റാവത്ത് അറിയിച്ചു.
Comments