തിരുവനന്തപുരം: തദ്ദേശ തിരഞ്ഞെടുപ്പിൽ കോൺഗ്രസിന് നേരിട്ട തോൽവിയെ സംബന്ധിച്ച് വിശദമായി പരിശോധിക്കുമെന്ന് ടി.എൻ പ്രതാപൻ എംപി. പരാജയത്തെ ഗൗരവമായി തന്നെ കാണുമെന്നും സർജറി ചെയ്യേണ്ടിടത്ത് സർജറി തന്നെ ചെയ്യണമെന്നും പ്രതാപൻ പറഞ്ഞു.എന്നാൽ സംസ്ഥാന നേതൃത്വത്തെ പ്രതാപൻ തള്ളി പറയുകയോ കുറ്റപ്പെടുത്തുകയോ ചെയ്തിട്ടില്ലെന്നതും ശ്രദ്ധേയമാണ്.
തെരഞ്ഞെടുപ്പിൽ നിലമെച്ചപ്പെടുത്താൻ യുഡിഎഫിന് സാധിച്ചില്ല. കെപിസിസി പ്രസിഡണ്ടിന്റെയും ചെന്നിത്തലയുടെയും വാർഡിൽ ഉൾപ്പെടെ യുഡിഎഫിന് പരാജയം ഏറ്റുവാങ്ങേണ്ട സാഹചര്യമാണ് ഉണ്ടായത്.
തെരഞ്ഞെടുപ്പ് ഫലത്തെ ഗൗരവമായി കാണുന്നുവെന്നും ജനകീയ മുന്നേറ്റത്തിലൂടെ മാത്രമെ വിജയം കൈവരിക്കാൻ സാധിക്കുകയുള്ളൂ എന്നും പ്രതാപൻ വ്യക്തമാക്കി. കിഴക്കമ്പലത്തെ ട്വൻറി ട്വൻറി വിജയത്തെ എടുത്തുകാട്ടിയാണ് പ്രതാപൻ ഇക്കാര്യം സൂചിപ്പിച്ചത്.
