പാരീസ്: ഈ വര്‍ഷത്തെ ഏറ്റവും മികച്ച ഫുട്‌ബോള്‍ താരത്തെ ഇന്ന് അറിയാം. ഫിഫ ദി ബെസ്റ്റ് അവാര്‍ഡ് ഇന്ന് പ്രഖ്യാപിക്കും. സൂപ്പര്‍ താരങ്ങളായ ലയണല്‍ മെസി, ക്രിസ്റ്റിയാനോ റൊണാള്‍ഡോ, റോബര്‍ട്ട് ലെവന്‍ഡോസ്‌കി എന്നിവരാണ് മത്സര രംഗത്തുള്ളത്. സൂറിച്ചിലെ ഫിഫ ആസ്ഥാനത്താണ് പുരസ്‌കാര ചടങ്ങുകള്‍ നടക്കുക.
പുരസ്‌കാരത്തിനായി തെരഞ്ഞെടുത്ത 10 പേരില്‍ നിന്നാണ് മെസി, റൊണാള്‍ഡോ, ലെവന്‍ഡോസ്‌കി എന്നിവര്‍ അവസാന മൂന്നില്‍ സ്ഥാനം പിടിച്ചത്. കെവിന്‍ ഡിബ്രുയ്‌നെ, സാദിയോ മാനെ, കീലിയന്‍ എംബാപ്പെ, നെയ്മര്‍ എന്നിവര്‍ ആദ്യ 10ല്‍ ഇടം പിടിച്ചിരുന്നു.
കഴിഞ്ഞ സീസണില്‍ ലെവന്‍ഡോവ്‌സ്‌കി യൂറോപ്പിലെ ടോപ് സ്‌കോററായിരുന്നു. ബയേണിന് വേണ്ടി ജര്‍മ്മന്‍ കപ്പും ജര്‍മ്മന്‍ ലീഗും ഒപ്പം ചാമ്പ്യന്‍സ് ലീഗും അദ്ദേഹം സ്വന്തമാക്കി. കഴിഞ്ഞ തവണ മെസിയാണ് ജേതാവായത്. 2016ലാണ് ഫിഫ ദി ബെസ്റ്റ് എന്ന പേരില്‍ പുരസ്‌കാരം നല്‍കാനാരംഭിച്ചത്.
