പാരീസ്: ഫിഫ ദി ബെസ്റ്റ് അവാര്ഡില് സൂപ്പര് താരങ്ങളുടെ വോട്ടിംഗ് വിവരങ്ങള് പുറത്ത്. 2020ലെ മികച്ച താരമായി റോബര്ട്ട് ലെവന്ഡോസ്കി തെരഞ്ഞെടുക്കപ്പെട്ടെങ്കിലും ലയണല് മെസിയുടെയും ക്രിസ്റ്റ്യാനോ റൊണാള്ഡോയുടെയും വോട്ടുകളാണ് ഫുട്ബോള് ലോകത്തെ ചര്ച്ചാ വിഷയം.
മെസി, റൊണാള്ഡോ, ലെവന്ഡോസ്കി എന്നിവരാണ് അവസാന മൂന്നിലെത്തിയത്. പിഎസ്ജി താരങ്ങളായ നെയ്മര്, കീലിയന് എംബാപ്പെ എന്നിവരെയാണ് മെസി ആദ്യ രണ്ട് സ്ഥാനങ്ങളിലേയ്ക്ക് തെരഞ്ഞെടുത്തത്. മൂന്നാമനായി ലെവന്ഡോസ്കിയും മെസിയുടെ പട്ടികയില് ഇടം നേടി. എന്നാല്, വര്ഷങ്ങളായുള്ള തന്റെ മുഖ്യ എതിരാളി ക്രിസ്റ്റ്യാനോ റൊണാള്ഡോയെ മെസി പരിഗണിച്ചില്ല.
മറുഭാഗത്ത്, റൊണാള്ഡോയുടെ പട്ടികയില് മെസി ഇടംപിടിച്ചു. ഒന്നാമനായി ലെവന്ഡോസ്കിയും രണ്ടാമനായി മെസിയും മൂന്നാമനായി എംബാപ്പെയുമാണ് റൊണാള്ഡോയുടെ പട്ടികയിലുള്ളത്. ഹഡിസംബര് 11നാണ് മെസി, റൊണാള്ഡോ, ലെവന്ഡോസ്കി എന്നിവരെ അവസാന മൂന്നിലേയ്ക്ക് തെരഞ്ഞെടുത്തതായി ഫിഫ പ്രഖ്യാപിച്ചത്. കരിയറിലെ ആദ്യ ഫിഫ ദി ബെസ്റ്റ് അവാര്ഡ് സ്വന്തമാക്കി ലെവന്ഡോസ്കിയാണ് കൈയ്യടി നേടിയത്.
