സംഗീതത്തിലൂടെ ജീവിച്ച അതുല്യ പ്രതിഭയായിരുന്നു ആര്.ഡി. ബര്മ്മന്. ബോളിവുഡിലെ പ്രശസ്ത സംഗീത സംവിധായകനായിരുന്ന ബര്മ്മന്റെ സാങ്കേതികതയും ശൈലികളും ഇന്നത്തെ ഹിന്ദി സംഗീതജ്ഞര് പോലും പിന്തുടരുന്നു. അതുല്യ ഗാനാലാപന ശൈലിയുളള അദ്ദേഹം സംഗീതം പകര്ന്ന പതിനെട്ടോളം ഗാനങ്ങള്ക്ക് ജീവന് നല്കിയത് അദ്ദേഹത്തിന്റെ ശബ്ദം തന്നെയായിരുന്നു. ഗായകനും സംഗീത രചിയിതാവുമായ സച്ചിന് ദേവ് ബര്മ്മന്റെയും മീരയുടേയും ഏക മകനായി 1939 ജൂണ് 27 ന് കല്ക്കട്ടയിലാണ് ആര്.ഡി. ബര്മ്മന് എന്നറിയപ്പെട്ടിരുന്ന രാഹുല് ദേവ് ബര്മ്മന്. ജനിച്ചത്. കല്ക്കട്ടയിലെ ബല്ലിഗഞ്ച് സര്ക്കാര് സ്കൂളില് വിദ്യാഭ്യാസം പൂര്ത്തിയാക്കി. പിന്നീട് കല്കട്ടയില് നിന്ന് ബോംബെയില് വന്ന് ഉസതാദ് അലി അക്ബര്ഖാന്റെ കീഴില് സരോദ് പഠിച്ചു.
അച്ഛനായ എസ്.ഡി. ബര്മ്മന്റെ സഹായി ആയിട്ടാണ് ആര്.ഡി. ബര്മ്മന് തന്റെ സംഗീത ജീവിതമാരംഭിക്കുന്നത്. ഒമ്പത് വയസ്സുള്ളപ്പോഴാണ് ബര്മ്മന് ‘ആയെ മേരി തൊ ഫി ഫലത് കെ ആ’ എന്ന തന്റെ ആദ്യത്തെ ഗാനം രചിക്കുന്നത്. ആ ഗാനം ഫന്ദൂഷ് എന്ന ചലച്ചിത്രത്തില് ബര്മ്മന്റെ അച്ഛനായ എസ്.ഡി. ബര്മ്മന് ആ ഗാനം ഉപയോഗിച്ചു. പിന്നീട് ആര്.ഡി. ബര്മ്മന് ഈണമിട്ട സാര് ജൊ തെരാ ചകരായോ’ എന്ന ഗാനം ഗുരു ദത്തിന്റെ പ്യാസ് എന്ന് ചിത്രത്തിലേക്ക് ബര്മ്മന്റെ അച്ഛന് എടുക്കുകയുണ്ടായി.
2004 ല് പ്യാസിലെ ഗാനങ്ങള് ‘ബെസ്റ്റ് മ്യൂസിക് ഇന് ഫിലിം’ ആയി ‘സൈറ്റ് & സൗണ്ട്’ എന്ന ബ്രിട്ടീഷ് ഫിലിം ഇന്സ്റ്റിറ്റ്യൂട്ട് മാഗസിന് തിരഞ്ഞെടുക്കുകയുണ്ടായി. ഗുരു ദത്തിന്റെ ‘രാസ്’ (1959) എന്ന ചിത്രമാണ് ഒരു സംഗീത രചിയിതാവെന്ന നിലയിലുള്ള ആര്.ഡി. ബര്മ്മന്റെ ആദ്യ ചിത്രം. സംഗീതത്തിനു പുറമേ ‘ഭൂത് ബംഗ്ല’,’പ്യാര് കെ മോസം’എന്നീ ചിത്രങ്ങളില് അഭിനയിക്കുകയും ചെയ്തു. പ്രശസ്ത ഗായികയായ ആശാബോസ്ലെയാണ് ബര്മ്മന്റെ ഭാര്യ. ഒരു പിടി നല്ല ഗാനങ്ങള് സമ്മാനിച്ച ഈ പ്രതിഭ 1994 ജനുവരി 4 ന് ആ ലോകത്തോട് വിട പറഞ്ഞു.
