കറുപ്പിന് ഏഴഴക് എന്നാണ് പറയാറുള്ളത്. എന്നാല്‍ കാര്യത്തോട് അടുക്കുമ്പോള്‍ കറുപ്പ് നിറം മാറ്റി നിര്‍ത്തപ്പെട്ടതു തന്നെ. അത്തരത്തില്‍ ഒരു അനുഭവമാണ് കാജലിന്റേയും. സമൂഹം എത്ര പുരോഗമിച്ചു എന്ന് പറഞ്ഞാലും നിറത്തിന്റെ പേരിലുള്ള വിവേചനം ചില ആളുകള്‍ക്കിടയില്‍ എങ്കിലും ഇന്നും നിലനില്‍ക്കുന്നു എന്നതാണ് യാഥാര്‍ത്ഥ്യം. നിറം കറുത്തുപോയതിനാല്‍ തനിക്ക് ഏറ്റവും ഇഷ്ടപ്പെട്ട കറുപ്പ നിറത്തിലുളള വസ്ത്രങ്ങള്‍ പോലും ധരിക്കാന്‍ സാധിച്ചിട്ടില്ല. പൊതുവായി ഇവിടെ പോയാലും തുറിച്ചുളള നോട്ടവും വെളുക്കാന്‍ വേണ്ടിയുള്ള ടിപ്‌സുമാണ് തേടി വരുന്നത്. ആദ്യകാലങ്ങളില്‍ വളരെ വിഷമകരമായിരുന്നു എങ്കിലും ഇപ്പോള്‍ തന്റെ നിറത്തില്‍ അഭിമാനമാണ് എന്നാണ് കാജല്‍ പറയുന്നത്.
ഏഴു വര്‍ഷമായി റസ്ലിംഗ് പഠിക്കുന്നുണ്ട്. ഇത് കൂടുതല്‍ സന്തോഷവും ആത്മവിശ്വാസവും നേടി തരുന്നു. ഭക്ഷണത്തോട് വളരെയേറെ പ്രിയമുള്ള ആളാണ്. അതുകൊണ്ടു തന്നെ അവ നന്നായി ആസ്വദിച്ചു കഴിക്കാറുമുണ്ട്. കഴിക്കാന്‍ മാത്രമല്ല ഭക്ഷണം പാകം ചെയ്യാനും ഏറെ താല്‍പര്യമുള്ള ആളാണ് കാജല്‍. ഒരു ഷെഫ് ആകുക എന്നതാണ് കാജലിന്റെ ആഗ്രഹം. കൂടാതെ സൈക്കിള്‍ മുതല്‍ അങ്ങോട്ടുള്ള എല്ലാ വാഹനങ്ങളോടും കാജലിന് പ്രിയമാണ്. കറുത്ത നിറത്തിലുള്ള മോഡലിന്റൈ ചിത്രങ്ങള്‍ സോഷ്യല്‍ മീഡിയ വഴി ശ്രദ്ധിക്കപ്പെടുമ്പോള്‍ ആശ്ചര്യത്തോടെയാണ് ചിലരെങ്കിലും അതിനെ നോക്കി കാണുന്നത്.
എന്നാല്‍ നിറത്തില്‍ അല്ല കാര്യം കഴിവിലാണ് എന്ന് ചിന്തിക്കാനുള്ള മനസ്സ് ഇന്നത്തെ സമൂഹത്തില്‍ മുഴുവനാളുകള്‍ക്കും അവള്‍ക്ക് ആയിട്ടില്ല എന്നു വേണം കരുതാന്‍. ഏതൊരു കാര്യത്തിനും മറ്റുള്ളവരെ ഒരു പരിധിവരെ ആശ്രയിക്കാതെ സ്വന്തമായി രീതിയില്‍ കൈകാര്യം ചെയ്യാന്‍ ശ്രമിക്കണം. നിറത്തെക്കാളും സൗന്ദര്യത്തെക്കാളും കൂടുതല്‍ നമ്മുടെ കഴിവില്‍ വിശ്വസിക്കണം. കാജലിന്റേത് ഒരു കൂട്ടു കുടുംബമാണ്. അതുകൊണ്ട് തന്നെ തനിക്ക് ഏറ്റവും പ്രചോദനവും വളര്‍ന്നു വരാനുള്ള സപ്പോര്‍ട്ടും തന്റെ കുടുംബമാണ് എന്ന് കാജല്‍ പറയുന്നു.
