കൊച്ചി : സൂപ്പർ ഹിറ്റ് മോഹൻലാൽ ചിത്രം ദൃശ്യം-2 ന്റെ വിജയത്തെ അഭിനന്ദിച്ച് നടൻ ഉണ്ണി മുകുന്ദൻ. ദൃശ്യം സിനിമയുടെ തുടർച്ചയെ അതിഗംഭീരമായി അവതരിപ്പിച്ചിരിക്കുന്നുവെന്ന് ഉണ്ണി മുകുന്ദൻ പറഞ്ഞു. സിനിമ കണ്ടതിന് ശേഷം ഫേസ്ബുക്കിലൂടെയായിരുന്നു അദ്ദേഹത്തിന്റെ പ്രതികരണം.
ദൃശ്യം-2 അസാധാരണമായ സിനിമയാണ്. വലിയ വെല്ലുവിളിയെ തരണം ചെയ്ത സംവിധായകൻ ജീത്തു ജോസഫിന് അഭിനന്ദനം. തീയറ്റുകളിലാണെങ്കിലും ഒടിടി പ്ലാറ്റ് ഫോമുകളിലാണെങ്കിലും മോഹൻലാൽ അസാമാന്യവും അമ്പരിപ്പിക്കുന്നതുമായ അഭിനയം കൊണ്ട് ആളുകളെ സിനിമയിലേക്ക് അടുപ്പിക്കുന്നു. മുരളി ഗോപിയെ നടനായി കാണാൻ കഴിഞ്ഞതിൽ സന്തോഷം. തിരക്കഥയിലെ ഭാഗം മുരളി ഗോപി അതി ഗംഭീരമാക്കിയെന്നും ഉണ്ണി മുകുന്ദൻ ഫേസ്ബുക്കിൽ കുറിച്ചു.
#Drishyam2 എന്ന ഹാഷ്ടാഗോടെയാണ് ഫേസ്ബുക്ക് കുറിപ്പ് പങ്കുവെച്ചത്. കുറിപ്പിന് താഴെ മോഹൻലാൽ, മുരളി ഗോപി, ജീത്തു ജോസഫ്, ആന്റണി പെരുമ്പാവൂർ എന്നിവരുടെ പേരുകളും പ്രത്യേകം പരാമർശിച്ചിട്ടുണ്ട്. സിനിമയുടെ വൈറലായ ചിത്രങ്ങളിലൊന്നും കുറിപ്പിനൊപ്പം പങ്കുവെച്ചിട്ടുണ്ട്.
https://www.facebook.com/photo.php?fbid=261862925307910&set=a.258497945644408&type=3
