കൊച്ചി : ചുരുങ്ങിയ ദിവസങ്ങൾക്കൊണ്ട് തന്നെ വൻ പ്രേഷക പ്രീതി പിടിച്ചു പറ്റിയ മോഹൻലാൽ ചിത്രം ദൃശ്യം 2 ന്റെ വിജയത്തിന് പിന്നാലെ സംവിധായകൻ ജീത്തു ജോസഫിനെ പ്രശംസിച്ച് സീരിയൽ നടനും, അവതാരകനുമായ കിഷോർ സത്യ. ഫേസ്ബുക്ക് കുറിപ്പിലൂടെയാണ് കിഷോർ സത്യ സിനിമയെക്കുറിച്ചുള്ള അഭിപ്രായങ്ങൾ പങ്കുവെച്ചത്. സിനിമ സംവിധായകന്റെ കലയാണ് എന്ന് അരക്കിട്ടുറപ്പിക്കുകയാണ് ‘ദൃശ്യം 2’ ലൂടെ ജീത്തു ജോസഫെന്ന് അദ്ദേഹം പറഞ്ഞു.
മലയാളത്തിൽ വന്നിട്ടുള്ള രണ്ടാം ഭാഗങ്ങൾ ഭൂരിഭാഗവും ആദ്യ ഭാഗത്തിന്റെ വാണിജ്യ വിജയം മാത്രം മനസ്സിൽ കണ്ട് ഉണ്ടാക്കപ്പെട്ടവയാണ്. അതുകൊണ്ടുതന്നെ അവയിൽ പലതും തട്ടിക്കൂട്ടു പടങ്ങളായി നമുക്ക് തോന്നിയത്തും.
എന്നാൽ ദൃശ്യത്തിന്റെ തിരക്കഥയോടൊപ്പം തന്നെ ചെയ്തു വച്ച ഒരു രണ്ടാം ഭാഗത്തിന്റെ ചാരുത ദൃശ്യം 2 ൽ നമുക്ക് അനുഭവപ്പെടുന്നു. 6വർഷങ്ങൾ കൊണ്ട് ജോർജ് കുട്ടിയുടെ കുടുംബത്തിന് ഉണ്ടാകാവുന്ന മാറ്റങ്ങൾ, പ്രത്യേകിച്ചും വളരുന്ന കുട്ടികളിൽ. ജോർജ്കുട്ടിയുടെ മാറ്റം, ഒരുവന് പണം വരുമ്പോൾ നാട്ടുകാരിൽ ഉണ്ടാകാവുന്ന മാറ്റങ്ങൾ ഇവയൊക്കെ സൂക്ഷ്മമായി പ്രതിപാദിക്കാൻ ജീത്തുവിന് സാധിച്ചുവെന്നും താരം കൂട്ടിച്ചേർത്തു.
കൊറോണയുടെ പശ്ചാത്തലത്തിൽ ഒടിടി പ്ലാറ്റ് ഫോമിലൂടെ പ്രദർശിപ്പിച്ചതിനാൽ ആളനക്കത്തിലും ആരവത്തിലും സിനിമാ കാണാൻ സാധിക്കാത്തതിലുള്ള നിരാശയും അദ്ദേഹം പങ്കുവെച്ചു. #drishyam #drshyam2 #drishyammovie #drshyam2movie #jeeethujosrph #directorjeethujoseph #mohanlal #lalettanfan #lalettan #lalettanfans #mohanlalfans എന്നീ ഹാഷ്ടാടുകളോടെയായിരുന്നു കിഷോർ സത്യ കുറിപ്പ് പങ്കുവെച്ചത്.
https://www.facebook.com/actorkishorsatya/photos/a.2357337617698737/3500862250012929/?type=3
