കൊച്ചി : തെരഞ്ഞെടുപ്പിൽ മത്സരിക്കുന്ന കാര്യത്തിൽ പ്രതികരിച്ച് നടൻ മമ്മൂട്ടി. തനിക്ക് വ്യക്തമായ രാഷ്ട്രീയ നിലപാടുണ്ടെന്നും എന്നാൽ ആരും തന്നോട് മൽസരിക്കണമെന്ന് ആവശ്യപ്പെട്ടിട്ടില്ല. തൽക്കാലം മത്സര രംഗത്തേക്ക് ഇല്ലെന്നും മമ്മൂട്ടി പറഞ്ഞു. തന്റെ പുതിയ സിനിമയുടെ പ്രമോഷന്റെ ഭാഗമായി മാദ്ധ്യമങ്ങളോട് സംസാരിക്കുന്നതിനിടയിലാണ് രാഷ്ട്രീയ നിലപാട് സംബന്ധിച്ച് മമ്മൂട്ടി പ്രതികരിച്ചത്.
സമൂഹ മാദ്ധ്യമങ്ങളിൽ വരുന്ന പ്രചാരണം ഞാനും കാണാറുണ്ട്. പക്ഷേ തന്നോട് മത്സരിക്കണമെന്ന് ഇതുവരെ ആരും ആവശ്യപ്പെട്ടിട്ടില്ല. സജീവ രാഷ്ട്രീയത്തിലേക്ക് വരുന്നതിന് താൽപ്പര്യമില്ല. എന്റെ ഏറ്റവും വലിയ രാഷ്ട്രീയമാണ് ഞാൻ ഇപ്പോൾ ചെയ്തുകൊണ്ടിരിക്കുന്നത്. അത് സിനിമയാണ്. ഞാൻ സ്ഥാനാർത്ഥിയായി നിൽക്കുന്നില്ല. അതിനാൽ പ്രചാരണത്തിന് ഇറങ്ങേണ്ട ആവശ്യവുമില്ലെന്നും മമ്മൂട്ടി പറഞ്ഞു.
