കൊച്ചി: സംസ്ഥാനത്ത് സ്വർണ്ണ വിലയിൽ വർധനവ്. പവന് 120 രൂപയാണ് ഇന്ന് വർധിച്ചത്. ഇതോടെ ഒരു പവൻ സ്വർണ്ണത്തിന്റെ വില 33,600 രൂപയായി. ഗ്രാമിന് 15 രൂപയും വർധിച്ചു. 4200 രൂപയാണ് ഒരു ഗ്രാം സ്വർണ്ണത്തിന്റെ വില. കഴിഞ്ഞ ഏതാനും ദിവസമായി സ്വർണ്ണ വിലയിൽ ചാഞ്ചാട്ടം തുടരുകയാണ്.
പവന് 33,480 രൂപയായും ഗ്രാമിന് 4185 രൂപയുമായിരുന്നു ഇന്നലത്തെ സ്വർണ്ണ നിരക്ക്. ഡോളർ ശക്തിയാർജ്ജിക്കുന്നത് ഉൾപ്പെടെയുള്ള ഘടകങ്ങളാണ് സ്വർണ്ണ വിലയിൽ പ്രതിഫലിക്കുന്നത്. ദിവസങ്ങൾക്ക് മുൻപ് സ്വർണ്ണ വില ഒരു വർഷത്തെ ഏറ്റവും താഴ്ന്ന നിരക്കിലേക്ക് എത്തിയിരുന്നു. പവന് 33,160 രൂപയായിരുന്നു അന്നത്തെ വില.
കേന്ദ്ര ബജറ്റിൽ സ്വർണത്തിന്റെ കസ്റ്റംസ് തീരുവ കുറച്ചതിന് പിന്നാലെയാണ് സ്വർണ്ണ വിലയിൽ കുറവ് രേഖപ്പെടുത്താൻ തുടങ്ങിയത്.
