മാഡ്രിഡ്: ലാ ലീഗയിൽ ആരാധകരെ ആവേശത്തിലാക്കി മെസ്സിയുടെ കളംനിറഞ്ഞാട്ടം. ഇരട്ടഗോളുകളോടെ മെസ്സി ബാഴ്സയ്ക്ക് നൽകിയത് 4-1 ന്റെ തകർപ്പൻ ജയം. ഹെസ്ക്കേയ്ക്കെതിരെയാണ് ബാഴ്സലോണ ജയം നേടിയത്. ഇതോടെ ലീഗിൽ ബാഴ്സ അത്ലറ്റികോയ്ക്ക് പിന്നിൽ രണ്ടാം സ്ഥാനത്തേക്ക് എത്തി.
കളിയുടെ 13-ാം മിനിറ്റിൽ മെസ്സിയുടെ വകയായിരുന്നു ആദ്യ ഗോൾ. 35-ാം മിനിറ്റിൽ ബാഴ്സയുടെ രണ്ടാം ഗോളും പിറന്നു. ഗ്രീസ്മാനാണ് ഗോൾ നേടിയത്. ആദ്യ പകുതിയുടെ അധിക സമയത്ത് റാഫാ മിർ, ഹസ്കെയ്ക്കായി ഗോൾനേടി. രണ്ടാം പകുതിയിൽ ഓസ്കര്ഡ മിൻഗ്വേസാ 53-ാം മിനിറ്റിൽ ബാഴ്സയുടെ മൂന്നാം ഗോളും 90-ാം മിനിറ്റിൽ മെസ്സി തന്റെ രണ്ടാം ഗോളിലൂടെ ടീമിന്റെ ലീഡ് 4-1 ആക്കി ഉയർത്തി. ലീഗിൽ പൊതുവേ മെസ്സിയുടെ ഗോൾ ക്ഷാമം ഇല്ലാതാകുന്ന കാഴ്ചയാണ് ഇന്നലെ കണ്ടത്. ലീഗിന്റെ തുടക്കത്തിൽ പത്താം സ്ഥാനത്തേക്ക് കുപ്പുകുത്തിയ ശേഷമുള്ള ബാഴ്സലോണയുടെ മടങ്ങിവരവും മെസ്സിയുടെ കുതിപ്പും ആരാധകർക്ക് വലിയ ആവേശം പകർന്നുകഴിഞ്ഞു.
