ന്യൂഡല്ഹി: ഇന്ത്യയുടെ സ്വന്തം പേടിഎം പേയ്മെന്റ്സ് ബാങ്കിന്റെ @പേടിഎം യുപിഐ ഹാന്ഡിലിന് സെക്യൂരിറ്റീസ് ആന്ഡ് എക്സ്ചേഞ്ച് ബോര്ഡ് ഓഫ് ഇന്ത്യയുടെ (സെബി) അംഗീകാരം ലഭിച്ചു. ഇതോടെ ഐപിഒ അപേക്ഷകളിലെ ഇടപാടുകള് ഇനി വേഗത്തിലും തടസമില്ലാതെയും നടത്താം. @പേടിഎം യുപിഐ ഹാന്ഡില് ഉപയോഗിച്ച് വിവിധ ബ്രോക്കറേജ് പ്ലാറ്റ്ഫോമുകളിലൂടെ മൂലധന വിപണിയില് നിക്ഷേപിക്കുന്ന ലക്ഷക്കണക്കിന് ഉപയോക്താക്കള്ക്ക് ഇത് നേട്ടമാകും. ഏറ്റവും വലിയ യുപിഐ ഗുണഭോക്തൃ ബാങ്കാണ് പിപിബിഎല്, യുപിഐ ഇടപാടുകള് പ്രോസസ്സ് ചെയ്യുന്നതിനുള്ള മികച്ച സാങ്കേതിക സൗകര്യങ്ങളുമുണ്ട് പിപിബിഎല്ലിന്. ഏറ്റവും പുതിയ എന്പിസിഐ റിപ്പോര്ട്ട് അനുസരിച്ച്, എല്ലാ യുപിഐ റെമിറ്റര് ബാങ്കുകളുമായി താരതമ്യപ്പെടുത്തുമ്പോള് ഏറ്റവും കുറഞ്ഞ സാങ്കേതിക തടസ നിരക്കായ 0.02 ശതമാനവും എല്ലാ യുപിഐ ഗുണഭോക്തൃ ബാങ്കുകളെയും അപേക്ഷിച്ച് 0.04 ശതമാനവുമാണ് പിപിബിഎല് രേഖപ്പെടുത്തുന്നത്.
ഐപിഒ അപേക്ഷകളിലെ ഇടപാടുകള്ക്കായി പേടിഎം പേയ്മെന്റ്സ് ബാങ്കും പേടിഎം മണിയുമായി സഹകരിക്കുന്നുണ്ട്. ഇന്ത്യയിലെ സമ്പദ് ഉല്പ്പന്നങ്ങളുടെ വളര്ച്ചാ സഹായിയാണ് പേടിഎം മണി. സാമ്പത്തിക വര്ഷം 22ഓടെ 10 ദശ ലക്ഷം ഇന്ത്യക്കാരെ ഓഹരി വിപണിയിലേക്ക് എത്തിക്കുകയെന്ന ദൗത്യത്തിലുമാണ്. പ്ലാറ്റ്ഫോമിലെ സ്റ്റോക്ക്ബ്രോക്കിങ് ഓഫര് ഇനിയും കടന്നു ചെല്ലാത്ത വിഭാഗങ്ങളിലേക്ക് നിക്ഷേപകരെ എത്തിക്കുന്നു. ഈ വര്ഷം അവസാനത്തോടെ 3.5 ലക്ഷം ഡീമാറ്റ് അക്കൗണ്ടുകള് തുറക്കുകയാണ് ലക്ഷ്യം. 60 ശതമാനം ഉപയോക്താക്കളെയും ചെറു നഗരങ്ങളില് നിന്നും പ്രതീക്ഷിക്കുന്നു. പ്രാരംഭ പൊതു ഓഫറില് (ഐപിഒ) നിക്ഷേപിച്ച് സമ്പദ് സൃഷ്ടിയിലാണ് കൂടുതല് ശ്രദ്ധിക്കുന്നത്. ഇതിനായി ഐപിഒ അപേക്ഷാ നടപടികള് പൂര്ണമായി ഡിജിറ്റലും ലളിതവുമാക്കി.
പേടിഎം മണിയോടൊപ്പം @പേടിഎം യുപിഐ കൂടി എല്ലാ ബ്രോക്കറേജ് പ്ലാറ്റ്ഫോമുകളില് ആക്റ്റീവാക്കും. സുരക്ഷിതമായ മാര്ഗത്തില് പേയ്മെന്റ് എളുപ്പത്തിലാക്കിയത് ഐപിഒ പ്രോല്സാഹിപ്പിക്കുന്നതിന് സഹായിക്കുകയും പുതിയ ഉപയോക്താക്കളെ കൊണ്ടുവരുന്നതിനും സഹായിക്കും.
എല്ലാ ഉപയോക്താക്കളുടെയും ജീവിതത്തിന്റെ എല്ലാ മേഖലകളിലേക്കും പരിധിയില്ലാത്ത ഡിജിറ്റല് പേയ്മെന്റ് സൗകര്യം എത്തിക്കുന്നതിനാണ് തങ്ങളുടെ നിരന്തര ശ്രമമെന്നും ഐപിഒ അപേക്ഷകള്ക്ക് @പേടിഎം യുപിഐ സൗകര്യം എത്തിക്കുന്നതോടെ ലക്ഷക്കണക്കിന് നിക്ഷേപകര്ക്ക് നിക്ഷേപം എളുപ്പവും സുരക്ഷതവും വേഗമേറിയതുമാകുമെന്നും ഇതെല്ലാം സാമ്പത്തിക പോര്ട്ട്ഫോലിയോ സജീവമാക്കുന്നതിന് സഹായിക്കുമെന്നും എല്ലാ ഇന്ത്യക്കാര്ക്കും ഓഹരി വിപണിയിലേക്ക് എത്താന് അവകാശമുണ്ടെന്ന് വിശ്വസിക്കുന്നതായും രാജ്യത്തെയൊന്നാകെ സാമ്പത്തിക പ്രക്രിയയില് ഉള്പ്പെടുത്തുകയാണ് ദൗത്യമെന്നും പേടിഎം പേയ്മെന്റ്സ് ബാങ്ക് ലിമിറ്റഡ് എംഡിയും സിഇഒയുമായ സതീശ് ഗുപ്ത പറഞ്ഞു.
Comments