വാഷിംഗ്ടൺ: കൊറോണ പ്രതിരോധത്തിന് ഇന്ത്യക്ക് അടിയന്തിര സഹായം വർദ്ധിപ്പിക്ക ണമെന്ന് ആവശ്യമുന്നയിച്ച് ഇന്ത്യൻ വംശജരായ പ്രതിനിധികൾ ജോ ബൈഡനെ കണ്ടു. അമേരിക്കൻ കോൺഗ്രസ്സ് പ്രതിനിധി രാജാ കൃഷ്ണമൂർത്തിയാണ് അമേരിക്കൻ പ്രസിഡന്റ് ജോ ബൈഡനോട് നേരിട്ട് അഭ്യർത്ഥിച്ചത്. ആസ്ട്രാ സെനേകാ വാക്സിൻ ആവശ്യത്തിന് എത്തിക്കണമെന്നാണ് ആവശ്യപ്പെട്ടിരിക്കുന്നത്.
‘പ്രസിഡന്റ് ജോ ബൈഡനോട് ഇന്ത്യക്കുള്ള വാക്സിൻ സഹായം വർദ്ധിപ്പിക്കണമെന്നാണ് ആവശ്യപ്പെട്ടിരിക്കുന്നത്. തനിക്കൊപ്പം ജനപ്രതിനിധികളായ മലോനി, ക്ലിബേൺ, സ്റ്റീഫൻ ലിഞ്ച് എന്നിവരുമുണ്ടായിരുന്നു. ഇതുവരെ ഇന്ത്യയ്ക്ക് നൽകിയ സഹായങ്ങളും വിലയി രുത്തി. വൈറസ് ബാധയുടെ തീവ്രതയും ചർച്ച ചെയ്തു. ഒപ്പം അമേരിക്ക നൽകിക്കൊ ണ്ടിരിക്കുന്ന സഹായത്തിന് ബൈഡൻ നൽകുന്ന പിന്തുണയെ അഭിനന്ദിച്ചു.’ രാജാ കൃഷ്ണമൂർത്തി ട്വീറ്റ് ചെയ്തു.
ലോകത്ത് ഇന്ത്യയ്ക്കൊപ്പം ബ്രസീലും അർജ്ജന്റീനയും അതിതീവ്ര വൈറസ് വ്യാപനത്തിന്റെ പിടിയിലാണ്. ആസ്ട്രാ സെനേകാ വാക്സിൻ നിലവിൽ അമേരിക്കയിൽ ഉപയോഗിക്കുന്നില്ല. അതിനാൽ ഡ്രഗ്സ് അഡ്മിനിസ്ട്രേഷന്റെ ഭാഗത്തുനിന്നുള്ള അനുമതിയും ഉറപ്പും ലഭിക്കേണ്ട തുണ്ടെന്നാണ് വൈറ്റ്ഹൈസ് പ്രസ് സെക്രട്ടറി ജെൻ സാക്കി വ്യക്തമാക്കിയത്.
Comments