തിരുവനന്തപുരം : നടനും എഴുത്തുകാരനുമായ മാടമ്പ് കുഞ്ഞുകുട്ടൻ അന്തരിച്ചു. 81 വയസ്സായിരുന്നു. കൊറോണ ബാധയെ തുടർന്ന് തൃശ്ശൂരിൽ ചികിത്സയിലായിരുന്നു. കരുണം, പരിണാമം എന്നീ സിനിമകൾക്ക് തിരക്കഥ എഴുതി.
അശ്വത്ഥാമാവ്, ഭ്രഷ്ട്, മഹാപ്രസ്ഥാനം, അവിഘ്നമസ്തു, പാതാളം, നിഷാദം, എന്തരോ മഹാനുഭാവുലു, ആര്യാവർത്തംസ അമൃതസ്യ പുത്ര എന്നിവയാണ് അദ്ദേഹത്തിന്റെ നോവലുകൾ. ജയരാജ് സംവിധാനം ചെയ്ത കരുണം എന്ന സിനിമയുടെ തിരക്കഥയ്ക്ക് 2000 ൽ അദ്ദേഹത്തിന് മികച്ച തിരക്കഥാകൃത്തിനുള്ള ദേശീയ പുരസ്കാരം ലഭിച്ചിട്ടുണ്ട്.
പത്തോളം സിനിമകളിലും അദ്ദേഹം അഭിനയിച്ചിട്ടുണ്ട്. അഗ്നിനക്ഷത്രം, കാറ്റുവന്നു വിളിച്ചപ്പോൾ, കരുണം, അഗ്നിസാക്ഷി, ചിത്രശലഭം, ദേശാടനം, ആറാംതമ്പുരാൻ തുടങ്ങിയവയാണ് സിനിമകൾ. 2001 ൽ ബി.ജെ.പി. സ്ഥാനാർത്ഥിയായി കൊടുങ്ങല്ലൂർ മണ്ഡലത്തിൽ നിന്ന് മത്സരിച്ചിരുന്നു.
