പലതരത്തിലുള്ള നിരവധി ആഘോഷങ്ങളുടെ വീഡിയോകള് സോഷ്യല് മീഡിയയില് നാം കണ്ടുവരാറുണ്ട്. എന്നാല് കഴിഞ്ഞ ദിവസം സോഷ്യല് മീഡിയയിലൂടെ പ്രചരിച്ച ഒരു വിവാഹ വാര്ഷിക വീഡിയോ അത്ര പെട്ടെന്നൊന്നും ആരും മറന്നു കളയില്ല. കാരണം കാണുന്ന ഏതൊരാളുടേയും ശ്രദ്ധപിടിച്ചുപറ്റി കാണും വീഡിയോയില് ഉണ്ടായിരുന്ന യുവതി കഴുത്തില് ധരിച്ചിരിക്കുന്ന മാല. മുംബൈയില് നിന്നുള്ള ദമ്പതികളുടെ വിവാഹ വാര്ഷിക ആഘോഷ വീഡിയോ ആണ് വൈറലായത്. ദമ്പതികള് ഗാനമാലപിക്കുന്നതും കേക്ക് മുറിക്കുന്നതും ഉള്പ്പെടെയുളളയായിരുന്നു വീഡിയോ.
എന്നാല് അതില് യുവതി ധരിച്ചിരുന്ന കാല്മുട്ട് വരെ നീളമുള്ള സ്വര്ണ്ണ താലിമാലയാണ് കാഴ്ചക്കാരുടെ ശ്രദ്ധ പിടിച്ചു പറ്റിയത്.വിവാഹ വാര്ഷികത്തിന് ബാല കോലി എന്നയാള് തന്റെ ഭാര്യയ്ക്ക് നല്കിയ ഒരു കിലോ സ്വര്ണ്ണം തൂക്കം വരുന്ന താലിമാലയാണ് ഇതെന്ന റിപ്പോര്ട്ടുകള് പുറത്തു വന്നതോടെ ആളുകള്ക്കിടയില് മാല ഒരു ചര്ച്ചാവിഷയമായി. സംഭവം വൈറലായതോടു കൂടി് പോലീസ് ബാല കോലിയെ തേടിയെത്തി.
എന്നാല് വാര്ഷിക ദിനത്തില് ഭാര്യക്ക് സമ്മാനിക്കാനായി അടുത്തുള്ള ജ്വല്ലറി ഷോപ്പില് നിന്നും 38,000 രൂപയ്ക്ക് വാങ്ങിയ റോള്ഡ് ഗോള്ഡ് മാലയാണ് ഇതെന്ന് ബാല കോലി വെളിപ്പെടുത്തി..ഇത്രവേഗം വൈറലാകുമെന്നും തന്നെ തേടി പോലീസ് വീട്ടിലെത്തുമെന്നും ഒരിക്കലും ചിന്തിച്ചു പോലും ഇല്ലെന്നും അദ്ദേഹം പറഞ്ഞു. ബാല കോലി പറഞ്ഞ കാര്യം സത്യമാണോ എന്നറിയാനായി പോലീസ് അടുത്തുള്ള ജ്വല്ലറി ഷോപ്പില് എത്തി സംഭവം സത്യമാണെന്ന് സ്ഥിരീകരിച്ചു ശേഷം പോലീസ് ഇയാളെ വിട്ടയക്കുകയും ചെയ്തു.
Comments