കൊച്ചി: കൊറോണ മഹാമാരിയിൽ കഷ്ടത അനുഭവിക്കുന്ന നിർദ്ധനരായ ഒരുപറ്റം ആളുകൾക്ക് സഹായഹസ്തവുമായി നടൻ ഉണ്ണി മുകുന്ദൻ. തന്റെ സോഷ്യൽ മീഡിയ വഴി സഹായിക്കാമോ എന്ന് കമന്റ് ചെയ്ത് ചോദിച്ചത് ശ്രദ്ധയിൽ പെട്ടതിനെ തുടർന്ന് തന്റെ ഫാൻസ് മുഖേനെ ഉണ്ണി വേണ്ട സഹായങ്ങൾ ചെയ്യുക ആയിരുന്നു. കോഴിക്കോട്, രാമനാട്ടുകരയിലെ തന്റെ ഫാൻസ് വഴിയാണ് 50ൽ പരം കിറ്റുകൾ ഉണ്ണി മുകുന്ദൻ തയ്യാറാക്കി നൽകിയത്.
അഞ്ച് കിലോ അരി, രണ്ട് കിലോ പച്ചരി, ചായപ്പൊടി, ഒരു കിലോ റവ, ആട്ട, കിഴങ്ങ്, സവാള, പഞ്ചസാര, വാഷിംഗ് സോപ്പ്, വെളിച്ചെണ്ണ തുടങ്ങിയ സാധനങ്ങൾ അടങ്ങുന്ന ഒരു വലിയ കിറ്റ് ആണ് ഉണ്ണി മുകുന്ദൻ നൽകിയത്. ലോക്ക് ഡൗൺ ആയതിനാലാണ് നേരിട്ട് എത്താതെ ഫാൻസ് അസോസിയേഷൻ വഴി കഷ്ടത അനുഭവിക്കുന്നവർക്ക് ഉണ്ണി സഹായമെത്തിച്ചത്.
