തിരുവനന്തപുരം: വനംകൊള്ളക്കാര് നിസാരക്കാരല്ലെന്നും നേരത്തെ തന്നെ നിരവധി തട്ടിപ്പുകേസുകളില് പ്രതികളായിരുന്നുവെന്നും പി.ടി തോമസ് എംഎൽഎ . ഇക്കാര്യം വകുപ്പ് മന്ത്രിക്കോ ഉന്നത ഉദ്യോഗസ്ഥര്ക്കോ അറിയുമായിരുന്നോ എന്നും പി.ടി. തോമസ് ചോദിച്ചു.
മാംഗോ മൊബൈലുമായി ബന്ധപ്പെട്ട് എറണാകുളത്ത് സംഘടിപ്പിച്ച ഇവരുടെ വെബ്സൈറ്റ് ഉദ്ഘാടന ചടങ്ങില് ഉദ്ഘാടകനായി നിശ്ചയിച്ചിരുന്നത് മുഖ്യമന്ത്രിയെ ആയിരുന്നു. ചടങ്ങ് ആരംഭിക്കുന്നതിന് തൊട്ടുമുമ്പ് പ്രതികളെ വേദിയില്വെച്ച് പോലീസ് അറസ്റ്റ് ചെയ്തെന്ന് കേട്ടിരുന്നു. അതിനാല് മുഖ്യമന്ത്രിക്ക് ഉദ്ഘാടനം ചെയ്യേണ്ടിവന്നില്ല. മുട്ടില് വനംകൊള്ളക്കാരുടെ തട്ടിപ്പിന്റെ ആഴവും പരപ്പും ഇതില്നിന്ന് വ്യക്തമല്ലേയെന്നും പി.ടി തോമസ് സഭയിൽ ചോദിച്ചു.
.പ്രതികളെ കസ്റ്റഡിയിൽ എടുക്കാതെ സർക്കാർ ഇരുട്ടത്ത് കറുത്ത പൂച്ചയെ തപ്പുകയാണെന്ന അടിയന്തര പ്രമേയത്തിന് അനുമതി തേടിക്കൊണ്ടാണ് പി.ടി തോമസ് എംഎൽഎ സഭയിൽ ഇക്കാര്യങ്ങൾ വ്യക്തമാക്കിയത്. വനംകൊള്ള സംബന്ധിച്ച് പ്രതിപക്ഷത്തിന്റെ അടിയന്തര പ്രമേയത്തിന് സ്പീക്കർ അനുമതി നിഷേധിക്കുകയും ചെയ്തു.
പ്രതികള് ജയിലില് നിന്ന് ഇറങ്ങിയ ശേഷം എങ്ങനെയാണ് സര്ക്കാരിനെ സ്വാധീനിച്ച് മൂന്ന് മാസത്തേക്ക് ഈട്ടിത്തടി മുറിക്കാന് പ്രത്യേകമായ നിയമവിരുദ്ധമായ ഉത്തരവ് ഉത്തരവ് സമ്പാദിച്ചത്? സര്ക്കാരില് എങ്ങനെയാണ് പ്രതികള് സ്വാധീനം ചെലുത്തിയതെന്ന് അന്വേഷിക്കാന് സര്ക്കാര് തയ്യാറുണ്ടോ? വനം കൊള്ളക്കാര് വനം മന്ത്രിയേയും മറ്റ് ഉദ്യോഗസ്ഥരേയും നേരിട്ടോ ഫോണിലോ ബന്ധപ്പെട്ടിട്ടുണ്ടോ ?. ബന്ധപ്പെട്ടിട്ടുണ്ടെന്നാണ് മരംമുറിയുടെ കരാര് എടുത്ത ഹംസ കഴിഞ്ഞ ദിവസം മാധ്യമങ്ങളോട് പറഞ്ഞതെന്നും പി.ടി. തോമസ് പറഞ്ഞു.
Comments