കൃഷി ചെയ്യാന് സ്ഥലമില്ല എന്ന പരാതിയാണ് മിക്ക ആളുകള്ക്കും. എന്നാല് ഉള്ള സ്ഥലത്ത് എങ്ങിനെ മികച്ച രീതിയില് കൃഷി ചെയ്ത് നല്ല വിളവുണ്ടാക്കാം എന്ന് തെളിയിച്ചിരിക്കുകയാണ് എറണാകുളം തൃക്കാക്കര സ്വദേശിനിയായ മിനി ശ്രീകുമാര്. ആകെയുള്ളത് രണ്ടര സെന്റ് സ്ഥലവും അതിലൊരു വീടും. അതിനു ചുറ്റുമുളള സ്ഥലമാണ് മിനിയുടെ ലോകം.ഇവുടെ ഇല്ലാത്തതായി ഒന്നും തന്നെ ഇല്ല. മുളകു മുതല് ചക്ക വരെയുണ്ട് മിനിയുടെ കൃഷി തോട്ടത്തില്.
പരിമിതമായ സ്ഥലത്ത് മികച്ച രീതിയിലാണ് മിനി തന്റെ കൃഷി മുന്നോട്ടു കൊണ്ടു പോകുന്നത്. വീടിന്റെ ടെറസിലും സണ്ഷൈഡിലും കോണ്ക്രീറ്റ് കൊണ്ടുളള നടപ്പാതയിലും ഒക്കെയായിട്ടാണ് മിനിയുടെ പച്ചക്കറി തോട്ടം. ഗ്രോബാഗുകളിലും മറ്റുമായി വഴുതനങ്ങ, പലതരം മുളകുകള്, കൂര്ക്ക, വെണ്ടക്ക, തക്കാളി, മണിത്തക്കാളി, കറിവേപ്പില, മല്ലിയില തുടങ്ങിയവ നട്ടിരിക്കുന്നു.
ഇതു കൂടാതെ വലിയ പ്ലാസ്റ്റിക്ക് കാനുകളില് മണ്ണ് നിറച്ച് പ്ലാവ്, മാവ്, പേര, മുരിങ്ങ, നെല്ലി, സപ്പോട്ട തുടങ്ങി എല്ലാം തന്നെയുണ്ട്. ഇതിനുള്ള ജൈവവളവും മിനി വീട്ടില് തന്നെയാണ് തയ്യാറാക്കുന്നത്. പച്ചക്കറികളുടെയും മറ്റും വേസ്റ്റ് പാത്രത്തിലിട്ട് ശേഖരിച്ചു വെച്ചാണ് ഇവയ്ക്ക് ആവശ്യമായ വളം തയ്യാറാക്കുന്നത്.
