കൊറോണ വൈറസിന്റെ പുതിയ വകഭേദത്തിന് പേര് നിർദ്ദേശിച്ച് സംവിധായകൻ ജൂഡ് ആന്റണി. തന്റെ ഫേസ്ബുക് പോസ്റ്റിലൂടെയാണ് ജൂഡ് പുതിയ വകഭേദത്തിന് പേര് നിർദ്ദേശിച്ചിരിക്കുന്നത്. ജൂഡിന്റെ പോസ്റ്റ് ഇങ്ങനെ. വൈറസ് പുതിയ വകഭേദത്തിന് പേര് ഞാൻ സജസ്റ്റ് ചെയ്യുന്നു. ‘കോവഫൈൻ’.
അനുഭവം പറഞ്ഞ് വിളിച്ചവരോട് അസഹ്യമായി ഇടപെട്ട് വിവാദത്തിലായ വനിതാ കമ്മീഷൻ അദ്ധ്യക്ഷ എംസി ജോസഫൈന്റെ പേരിനോട് സാമ്യം തോന്നുന്നതാണ് ജൂഡ് പുതിയ വൈറസിനിട്ട പേരെന്ന് ജൂഡിന്റെ പോസ്റ്റിന് കമന്റായി നിരവധിയാളുകൾ രേഖപ്പെടുത്തിയിട്ടുണ്ട്. ജോസഫൈനെതിരായ നിരവധി ട്രോളുകളും കമന്റുകളും ജൂഡിന്റെ പോസ്റ്റിന് താഴെ വന്നുകൊണ്ടിരിക്കുന്നുണ്ട്.
ഇതിന് വാക്സിൻ പ്രതിവിധിയുണ്ടോയെന്നും ഒരു വൈറസിന്റെ പേര് മറ്റൊരു വൈറസിന് ഇടാൻ പറ്റുമോയെന്നും ആളുകളും കമന്റായി ചോദിക്കുന്നുണ്ട്. ഈ വകഭേദത്തിന് വാക്സിനേഷൻ ഒരിക്കലും ലഭ്യമല്ലെന്നും അനുഭവിച്ചോളൂവെന്നും ചിലർ പറയുന്നു. ചില സന്ദർഭങ്ങളിൽ ‘ഫൈൻ’ എന്ന വാക്കിന് പിഴ എന്ന് കൂടി അർത്ഥം ഉണ്ടെന്ന് ചിലർ ഓർമിപ്പിക്കുന്നുമുണ്ട്. എന്തായാലും പോസ്റ്റും കമന്റുകളും ഇതിനോടകം തന്നെ ചർച്ചയായി കഴിഞ്ഞു.
