ചെന്നൈ : ആഡംബര വാഹനത്തിന് നികുതിയിളവ് ആവശ്യപ്പെട്ട് ഹർജി സമർപ്പിച്ച തമിഴ് നടൻ വിജയ്‌ക്ക് പിഴ വിധിച്ച് മദ്രാസ് ഹൈക്കോടതി. 1 ലക്ഷം രൂപയാണ് പിഴ വിധിച്ചത്. ഇതിന് പുറമേ താരത്തെ രൂക്ഷമായ ഭാഷയിൽ കോടതി വിമർശിക്കുകയും ചെയ്തു.
ഇംഗ്ലണ്ടിൽ നിന്നും ഇറക്കുമതി ചെയ്ത റോൾസ് റോയ്സ് കാറിന് പ്രത്യേക നികുതിയിളവ് നൽകണമെന്ന് ആവശ്യപ്പെട്ടാണ് താരം കോടതിയെ സമീപിച്ചത്. 2012 ലായിരുന്നു ഹർജി നൽകിയത്. ഒൻപത് കോടിയോളം വിലവരുന്ന കാറിന് താരം വൻതുക നികുതിയടക്കേണ്ട സാഹചര്യമായിരുന്നു ഉണ്ടായിരുന്നത്. ഇതേ തുടർന്നാണ് ഇളവ് നൽകണമെന്ന് ആവശ്യപ്പെട്ട് ഹർജി നൽകിയത്.
ഹർജി തള്ളിയ കോടതി രൂക്ഷവിമർശനമാണ് ഉന്നയിച്ചത്. സിനിമയിലെ സൂപ്പർതാരങ്ങൾ യഥാർത്ഥ ജീവിതത്തിൽ റീൽ ഹീറോകളായി മാറരുതെന്നായിരുന്നു കോടതിയുടെ വിമർശനം. വൻതുക പ്രതിഫലം വാങ്ങുന്ന മുൻനിര താരം തന്നെ നികുതിയിളവ് ആവശ്യപ്പെട്ട് ഹർജി നൽകിയ നടപടിയോട് യോജിക്കാൻ കഴിയില്ലെന്നും കോടതി പറഞ്ഞു.
Comments