റോക്കി ഭായിയുടെ രണ്ടാം വരവ്: അധീരയായി സഞ്ജയ് ദത്ത്, കാത്തിരിപ്പിന് വിരാമം

കെജിഎഫ് രണ്ടാം ഭാഗത്തിലെ പ്രധാന വില്ലനായ സഞ്ജയ് ദത്തിന്റെ അധീരയുടെ ക്യാരക്ടർ പോസ്റ്റർ പുറത്തിറങ്ങി. അദ്ദേഹത്തിന്റെ പിറന്നാളിനോടനുബന്ധിച്ചാണ് അധീര എന്ന മാസ് വില്ലന്റെ ലുക്ക് അണിയറപ്രവർത്തകർ പുറത്തു വിട്ടത്. എല്ലാവരും കണ്ടിരിക്കേണ്ട ചിത്രമാണ് കെജിഎഫ് ചാപ്റ്റർ 2 എന്ന് പോസ്റ്റർ പങ്കുവെച്ച് സഞ്ജയ് ദത്ത് പറഞ്ഞു.

കേരളത്തിൽ ഉൾപ്പെടെ തരംഗം സൃഷ്ടിച്ച കെജിഎഫിന്റെ രണ്ടാം ഭാഗമാണ് കെജിഎഫ് ചാപ്റ്റർ രണ്ട്. രണ്ടാം പതിപ്പിലും യാഷ് തന്നെയാണ് നായകൻ. രവീണ ടാണ്ടർ ഉൾപ്പെടെയുള്ള താരങ്ങൾ കെജിഎഫിൽ പ്രധാന വേഷത്തിലെത്തുന്നുണ്ട്. പ്രശാന്ത് നീൽ സംവിധാനം ചെയ്യുന്ന ചിത്രം ഡിസംബറിൽ റിലീസിനെത്തുമെന്നാണ് സൂചന.

ജൂലൈ 16ന് റിലീസിന് എത്തേണ്ട ചിത്രം കൊറോണ പ്രതിസന്ധിയെ തുടർന്ന് നീട്ടി വെയ്‌ക്കുകയായിരുന്നു. ചിത്രത്തിന്റെ പുതിയ റിലീസ് ഡേറ്റ് ഉടൻ തന്നെ പുറത്തുവിടുമെന്ന് സഞ്ജയ് ദത്ത് പോസ്റ്റർ പങ്കുവെച്ച് കുറിച്ചു. ഹോമബിൾ ഫിലിംസാണ് യഷിന്റെ ബ്രഹ്മാണ്ഡ ചിത്രം നിർമ്മിക്കുന്നത്.

1951 മുതൽ വർത്തമാനകാലം വരെയുള്ള കഥയാണ് കെജിഎഫ് രണ്ടാം ഭാഗത്തിൽ പറയുന്നത്. 2018 ഡിസംബർ 21നാണ് ചിത്രത്തിന്റെ ആദ്യഭാഗം പുറത്തിറങ്ങിയത്. തെന്നിന്ത്യയിൽ ആകെ തരംഗം സൃഷ്ടിച്ച ചിത്രത്തിന്റെ രണ്ടാം ഭാഗം കേരളത്തിൽ പ്രദർശനത്തിനെത്തിക്കുന്നത് പൃഥ്വിരാജ് പ്രൊഡക്ഷൻസാണ്. കന്നഡയിൽ ഇതുവരെ നിർമ്മിക്കപ്പെട്ടതിൽ ഏറ്റവും നിർമാണച്ചെലവേറിയ ചിത്രമായിരുന്നു കെജിഎഫ്.

Thank you so much everyone for all the warm birthday wishes. Working on #KGFChapter2 has been amazing. I know you all have been waiting for the film's release for a long time and I assure you that it'll be worth the wait!@TheNameIsYash @prashanth_neel @VKiragandur @hombalefilms pic.twitter.com/zXSqJGeb6i

— Sanjay Dutt (@duttsanjay) July 29, 2021