രാജ്യത്തിന് അഭിമാനം; എൽബ്രസ് കീഴടക്കി ‘ഗീത സമോത’; നേട്ടം കൈവരിക്കുന്ന ആദ്യ സിഐഎസ്എഫ് ഉദ്യോഗസ്ഥ

ന്യൂഡൽഹി: യൂറോപ്പിലെ ഏറ്റവും വലിയ കൊടുമുടിയായ എല്‍ബ്രസ് പര്‍വ്വതം കീഴടക്കി സിഐഎസ്എഫ് ഉദ്യോഗസ്ഥ. സബ് ഇന്‍സ്പെക്ടര്‍ ഗീത സമോതയാണ് റഷ്യയിലെ എല്‍ബ്രസ കീഴടക്കി രാജ്യത്തിന് അഭിമാനമായി മാറിയത് എല്‍ബ്രസ് കീഴടക്കുന്ന ആദ്യ സിഐഎസ്എഫ് ഉദ്യോഗസ്ഥയെന്ന നേട്ടം കൂടിയാണ് ഗീത കൈവരിച്ചത്. സിഐഎസ്എഫിന്റെ ഭാഗമായതില്‍ അഭിമാനിക്കുന്നുവെന്ന് നേട്ടം കൈവരിച്ചതിന് ശേഷം ഗീത ട്വിറ്ററിലൂടെ പ്രതികരിച്ചു. രാജസ്ഥാന്‍ സ്വദേശിനിയാണ് ഗീത.

Conquered Mount Elbrus, 5642 mtrs / 18,510 ft, the highest peak of Russia and of European Continent. Proud Indian and CISF girl😎@CISFHQrs @RajCMO@ianuragthakur @KirenRijiju pic.twitter.com/gqVhSSoPNJ

— Geeta Samota (@geeta_samota) August 13, 2021

എൽബ്രസ് കൊടുമുടിയുടെ 18,510 അടി ഉയരമാണ് ഈ വനിത കീഴടക്കിയത്. റഷ്യയിലേയും യൂറോപ്പിലെയും ഏറ്റവും വലിയ കൊടുമുടിയാണ് എൽബ്രസ്. ജോർജ്ജിയ അതിർത്തിക്ക് സമീപം റഷ്യയുടെ തെക്കുവശത്തായി കോക്കസസ് പർവ്വതനിരകളുടെ ഭാഗമായാണ് എൽബ്രസ് കൊടുമുടി സ്ഥിതി ചെയ്യുന്നത്.