മുംബൈ: വാഹനരംഗത്തെ അതികായൻ ആനന്ദ് മഹീന്ദ്രയുടെ വീഡിയോ വൈറലാകുന്നു. റോഡിന് കുറുകേ നടന്നുപോകുന്ന കടുവകളുടെ രാത്രി യാത്രയിലെ ഗാംഭീര്യം വിളിച്ചോ തുന്ന വീഡിയോ ദൃശ്യങ്ങളാണ് വൈറലായത്.
So our XUV isn’t the only big cat on the highway… Magnificent. pic.twitter.com/9A2ayRPXjL
— anand mahindra (@anandmahindra) August 22, 2021
ട്വിറ്ററിലൂടെയാണ് വീഡിയോ പങ്കുവെച്ചത്. ഏതു പ്രദേശമാണെന്ന് വീഡിയോ ദൃശ്യങ്ങളിൽ നിന്നും വ്യക്തമല്ല. ഗതാഗതത്തെ അൽപ്പനേരത്തേക്ക് നിർത്തിച്ചുകൊണ്ട് വനത്തിലൂടെ നീങ്ങുന്ന രണ്ടു കടുവകളുടെ ദൃശ്യമാണ് വീഡിയോവിലുള്ളത്. ‘ദേശീയപാതയിൽ തങ്ങളുടെ എക്സ്.യു.വി എന്ന വൻപുലി മാത്രമല്ല ഉള്ളത്’ എന്ന വാചകത്തോടെയാണ് ആനന്ദ് മഹീന്ദ്ര ട്വീറ്റ് പങ്കുവെച്ചത്. മഹീന്ദ്രയുടെ എക്സ്.യു.വിക്കുവേണ്ടി തയ്യാറാക്കി ഏറെ പ്രശസ്തമായ പരസ്യം ‘ചീറ്റാ ഇൻസ്പയേർഡ്’ എന്ന വാചകവും ഓർമ്മപ്പെടുത്തിയാണ് വീഡിയോ.
വനത്തിലെ കടുവകളുടെ രാത്രി യാത്രയുടെ ആവേശം നിറയുന്ന വീഡിയോയിലെ സ്ഥലത്തെ ചൊല്ലിയാണ് ഇപ്പോൾ തർക്കം. ഇതിന്റെ പേരിൽ സമൂഹമാദ്ധ്യമങ്ങളിൽ വാദപ്രതിപാദം നടക്കുകയാണ്. എന്നാൽ ആരും ഇതുവരെ ഏതു സ്ഥലമാണെന്ന് കണ്ടെത്തിയിട്ടില്ല. ഭൂരിഭാഗം പേർ മഹാരാഷ്ട്രയിലെ തഡോബാ കടുവാ സങ്കേത ത്തിനകത്തെ ദൃശ്യമാണെന്നാണ് അഭിപ്രായപ്പെട്ടത്. എന്നാൽ കുറേപ്പേർ അവകാശപ്പെടുന്നത് മദ്ധ്യപ്രദേശിലെ പെഞ്ച് ദേശീയ ഉദ്യാനമെന്നാണ്. ഏതായാലും ഇതുവരെ രണ്ട് ലക്ഷം പേരാണ് വീഡിയോ പങ്കുവെച്ചത്.
Comments