ഗുലാബ് ജാമുന്‍ കഴിക്കാത്തവര്‍ കുറവായിരിക്കും. അതുപ്പോലെ തന്നെ ചില ആളുകളെങ്കിലും ഓള്‍ഡ് മങ്ക് റം കഴിച്ചവരുമായിരിക്കും. എന്നാല്‍ ഇവ രണ്ടും ഒന്നിച്ച് കഴിച്ചു നോക്കിയിട്ടുണ്ടോ… സംഭവം വേറെ ലെവലാണ്. സോഷ്യല്‍ മീഡിയയില്‍ വൈറലായിക്കൊണ്ടിരിക്കുന്ന വീഡിയോയെ കുറിച്ചാണ് പറയുന്നത്. പാല്‍ ക്രീമും, ഏലക്കായയും ധാന്യപ്പൊടിയുമാണ്. ഇത് ഉരുളപോലെ ഉണ്ടാക്കി പഞ്ചസാരലായനിയില്‍ ചേര്‍ത്താണ് കഴിക്കുന്നത്. കുട്ടികള്‍ക്ക് ഏറെ ഇഷ്ടമുള്ള മധുരപലഹാരമാണിത്. ഇന്ത്യയില്‍ പ്രസിദ്ധമായ ഈ മധുരപലഹാരത്തിന് കേരളത്തില്‍ അടക്കം ആരാധകരുണ്ട്.
എന്നാല്‍ ഇപ്പോള്‍ ഇന്റര്‍നെറ്റില്‍ പ്രചരിച്ചുകൊണ്ടിരിക്കുന്ന ഗുലാബ് ജാമുന്‍ കുട്ടികള്‍ക്ക് നല്‍കാന്‍ കഴിയില്ല. പഞ്ചസാര ലായനിക്ക് പകരം റമ്മാണ് ഈ ഗുലാബ് ജാമുനില്‍ ഒഴിക്കുന്നത്. ഉരുട്ടിവെച്ച പലഹാരത്തിലേക്ക് ഓള്‍ഡ് മങ്ക് റം കുത്തിവെക്കുന്നതും പഞ്ചസാര ലായനിക്ക് പകരം റം ഒഴിക്കുന്നതും വീഡിയോയില്‍ കാണാം. കാണാന്‍ ബഹുരസം, കഴിക്കാന്‍ അതിലേറെ രസമായിരിക്കും എന്ന് തുടങ്ങി നിരവധി അഭിപ്രായങ്ങളാണ് വീഡിയോയ്‌ക്ക് താഴെ വന്നത്.
.
