ആളുകളെ അമ്പരപ്പിക്കുന്ന കരവിരുതുകള് ഏറെയുണ്ട്. ക്രിയാത്മകമായ കലാസൃഷ്ടികള് പലപ്പോഴും നമ്മെ വല്ലാതെ അതിശയിപ്പിക്കും. കൊറോണ എന്ന മഹാമാരിയുടെ കാലത്ത് ലോക്ക്ഡൗണ് മൂലം വീട്ടിലിരുന്നപ്പോഴും പലരും വേറിട്ട കലാസൃഷ്ടികള് ക്കൊണ്ട് ശ്രദ്ധ നേടി. കഴിഞ്ഞ കുറച്ച് ദിവസങ്ങളായി സമൂഹ മാദ്ധ്യമങ്ങളില് ശ്രദ്ധ ആകര്ഷിക്കുന്നതും അത്തരത്തില് വ്യത്യസ്തമായ ഒരു കലാസൃഷ്ടിയാണ്.
ഉപയോഗ ശൂന്യമായ വാക്സിന് കുപ്പികള്ക്കൊണ്ട് നിര്മ്മിച്ച ഒരു അലങ്കാര വിളക്കാണിത്. ലോറാ വെയ്സ് എന്ന ആരോഗ്യ പ്രവര്ത്തകയാണ് ഈ കലാസൃഷ്ടിയ്ക്ക് പിന്നില്. ഉപയോഗിച്ച ശേഷം കാലിയായ ബോട്ടിലുകള് ഉപയോഗിച്ചാണ് ഈ അലങ്കാരവിളക്ക് നഴ്സായ ലോറാ വെയ്സ് തയാറാക്കിയത്.
കൊളറാഡോയിലെ ബൗള്ഡര് കൗണ്ടി പബ്ലിക് ഹെല്ത്തില് നഴ്സായി സേവനമനുഷ്ഠിയ്ക്കുകയാണ് ലോറാ വെയ്സ്. അഭിനന്ദന വെളിച്ചം എന്നാണ് ഈ സൃഷ്ടിയ്ക്ക് അവര് നല്കിയിരിയ്ക്കുന്ന പേര്.
Comments