ന്യൂഡൽഹി: ഓൺലൈൻ ഭക്ഷ്യവിതരണ പ്ലാറ്റ്ഫോമായ സൊമാറ്റോ പലചരക്ക് സാധനങ്ങൾ വീട്ടിൽ എത്തിച്ച് നൽകുന്ന സേവനം നിർത്താൻ തീരുമാനിച്ചു. സെപ്റ്റംബർ 17 മുതലാണ് ഈ സേവനം നിർത്തലാക്കുന്നത്.
ലഭിക്കുന്ന ഓർഡർ അനുസരിച്ച് പലചരക്ക് സാധനങ്ങൾ വീടുകളിൽ എത്തിച്ചു നൽകാൻ കാലതാമസം നേരിടുന്നു. ഇത് ഉപഭോക്താക്കളിൽ അസൗകര്യം സൃഷ്ടിക്കുന്നു. ഈ തിരിച്ചറിവാണ് സൊമാറ്റോ വഴി പലചരക്ക് വാങ്ങുന്ന സംവിധാനം നിർത്തലാക്കുവാൻ കാരണം എന്ന് കമ്പനി വ്യക്തമാക്കി.
ഉപഭോക്താക്കൾക്ക് മികച്ച സേവനം നൽകുകയെന്ന കമ്പനിയുടെ ആഗ്രഹത്തിന് ഇത് തടസം സൃഷ്ടിക്കുന്നു. പലചരക്ക് കടകളിലെ സ്റ്റോക്കുകളുടെ അളവ് എപ്പോഴും മാറുന്നു. ഇതിലൂടെ ഓർഡർ അനുസരിച്ച് സാധനങ്ങൾ കൃത്യ സമയത്ത് വിതരണം ചെയ്യുന്നതിൽ കാലതാമസം നേരിടുന്നു. ഇത് ഉപഭോക്താക്കളിൽ അതൃപ്തി സൃഷ്ടിക്കുന്നു എന്ന് കമ്പനി ഇ-മെയിലൂടെ അറിയിച്ചു.
