മുംബൈ: ആഴ്ചയിലെ ആദ്യ വ്യാപാര ദിനത്തിലെ കണക്കുകളിൽ റെക്കോർഡ് നേട്ടമാണ് ഓഹരി വിപണി സൂചിപ്പിക്കുന്നത്. സെൻസെക്സ് 60,300 നും നിഫ്റ്റി 17,900 നും മുകളിലായാണ് വ്യാപാരം ആരംഭിച്ചത്. സെൻസെക്സ് 255.32 പോയിന്റിന്റെ വർദ്ധനവിൽ 60,303.79 ൽ വ്യാപാരം ആരംഭിച്ചു. മറുവശത്ത്, നിഫ്റ്റി 79 പോയിന്റുകളുടെ വർദ്ധനവിൽ 17,932.20 എന്ന നിലയിൽ വ്യാപാരം തുടങ്ങി. നിലവിൽ സെൻസെക്സ് 220, നിഫ്റ്റി 60 പോയിന്റുകളിലാണ് വ്യാപാരം നടക്കുന്നത്.
കഴിഞ്ഞ വെള്ളിയാഴ്ച സെൻസെക്സ് ആദ്യമായി 60,000 കടന്നതും ചരിത്ര നേട്ടമായിരുന്നു. വ്യാപാരം അവസാനിക്കുമ്പോൾ സെൻസെക്സ് 60,048.47 എന്ന നിലയിലാണ് ക്ലോസ് ചെയ്തത്. അതേ സമയം, നാഷണൽ സ്റ്റോക്ക് എക്സ്ചേഞ്ചിന്റെ നിഫ്റ്റിയും 18,000 -ന് അടുത്തെത്തി.
Comments