മുംബൈ: മഹാരാഷ്ട്രയിൽ വീണ്ടും നൈജീരിയൻ സ്വദേശികൾ ലഹരി കേസിൽ അറസ്റ്റിലായി. വിപണിയിൽ 10 ലക്ഷം രൂപ വിലമതിക്കുന്ന മയക്കുമരുന്നുകളുമായി മൂന്ന് നൈജീരിയൻ പൗരൻമാരാണ് പിടിയിലായത്. ഇവരുടെ പക്കൽ നിന്നും 1,126 ഗ്രാം കെറ്റാമിൻ പിടിച്ചെടുത്തു.
മുംബൈയിലെ നായ്ഗൗൺ പ്രദേശത്ത് നടത്തിയ പരിശോധനയിലാണ് ഇവരെ പിടികൂടിയത്. എൻഡിപിഎസ് ആക്ട് പ്രകാരം മൂന്ന് പേർക്കെതിരെയും കേസെടുത്തതായി ആന്റി നാർക്കോട്ടിക്സ് സെൽ അറിയിച്ചു. കൂടുതൽ പേർക്ക് പങ്കുണ്ടോയെന്നതിൽ അന്വേഷണം തുടരുകയാണ്.
ഇതിനോടകം നിരവധി നൈജീരിയൻ പൗരന്മാരെ മയക്കുമരുന്ന് കടത്തിന്
നാർക്കോട്ടിക്സ് ബ്യൂറോ മുംബൈയിൽ അറസ്റ്റ് ചെയ്തിട്ടുണ്ട് .
