ദുബൈ: അന്താരാഷ്ട്ര വനിതാ ടി20 ക്രിക്കറ്റില് പുതിയ ചരിത്രം കുറിച്ച് ഇന്ത്യന് ഓപ്പണര് ഷെഫാലി വര്മ്മ. വനിതാ ടി20യില് അതിവേഗം 3000 റണ്സ് തികയ്ക്കുന്ന ഏറ്റവും പ്രായം കുറഞ്ഞ താരമായി ഷെഫാലി മാറി. പാകിസ്ഥാനെതിരായ ഏഷ്യാ കപ്പ് മത്സരത്തില് 12 റണ്സ് നേടിയതോടെയാണ് താരം ഈ നേട്ടത്തിലെത്തിയത്. 22 വയസും 220 ദിവസവും പ്രായമുള്ളപ്പോഴാണ് ഷെഫാലി 3000 റണ്സ് പൂര്ത്തിയാക്കിയത്. ഇതോടെ അയര്ലന്ഡ് താരം ഗാബി ലൂയിസിന്റെ റെക്കോര്ഡാണ് പഴങ്കഥയായത്. 24 വയസും 347 ദിവസവും പ്രായമുള്ളപ്പോഴായിരുന്നു ഗാബി ലൂയിസ് 3000 റണ്സ് തികച്ചത്.
പ്രായത്തിന്റെ റെക്കോര്ഡിനൊപ്പം മറ്റൊരു നേട്ടവും ഷെഫാലി സ്വന്തമാക്കി. വനിതാ അന്താരാഷ്ട്ര ടി20യില് ഏറ്റവും കുറച്ച് പന്തുകളില് 3000 റണ്സ് തികയ്ക്കുന്ന താരവും ഇനി ഷെഫാലിയാണ്. 2182 പന്തുകളാണ് 3000 റണ്സിലെത്താന് താരം നേരിട്ടത്. അന്താരാഷ്ട്ര വനിതാ ടി20യില് 3000 റണ്സ് നേടുന്ന ലോകത്തിലെ 16-ാമത്തെ താരമാണ് ഷെഫാലി. ഇന്ത്യയില് നിന്ന് സ്മൃതി മന്ദാനയ്ക്കും ഹര്മന്പ്രീത് കൗറിനും ശേഷം ഈ നേട്ടത്തിലെത്തുന്ന മൂന്നാമത്തെ താരമായും ഷെഫാലി മാറി.
പാകിസ്ഥാനെതിരായ മത്സരത്തിലും പതിവ് ശൈലിയില് വെടിക്കെട്ടോടെയാണ് ഷെഫാലി തുടങ്ങിയത്. സാദിയ ഇഖ്ബാലിന്റെ പന്തില് സിക്സര് പറത്തിയായിരുന്നു ഇന്നിങ്സിന് തുടക്കം. അടുത്ത പന്തില് സിംഗിള് നേടിയതോടെ 3000 റണ്സ് എന്ന ചരിത്രനേട്ടവും സ്വന്തമായി. പിന്നാലെ ഫാത്തിമ സനയുടെ പന്തില് ബൗണ്ടറി കൂടി നേടിയ ഷെഫാലി ആറ് പന്തില് 12 റണ്സെടുത്ത് മടങ്ങി. ചെറിയ ഇന്നിങ്സായിരുന്നെങ്കിലും അതിനിടെ തന്നെ ഇന്ത്യന് താരത്തിന്റെ പേര് റെക്കോര്ഡ് പുസ്തകത്തില് ഇടംപിടിച്ചു.
<3000 റണ്സ് തികച്ച ഏറ്റവും പ്രായം കുറഞ്ഞ താരങ്ങള്
<22 വയസ് 220 ദിവസം ഷെഫാലി വര്മ്മ (ഇന്ത്യ)
<24 വയസ് 347 ദിവസം ഗാബി ലൂയിസ് (അയര്ലന്ഡ്)
<27 വയസ് 139 ദിവസം ഇഷ ഒസ (യുഎഇ)
<27 വയസ് 171 ദിവസം സ്മൃതി മന്ദാന (ഇന്ത്യ)
<27 വയസ് 347 ദിവസം ഹെയ്ലി മാത്യൂസ് (വെസ്റ്റ് ഇന്ഡീസ്)
