ന്യൂഡൽഹി : പാർലമെന്റിന്റെ സുപ്രധാന സെഷനാണ് ഇന്ന് ആരംഭിക്കുന്നതെന്ന് പ്രധാനമന്ത്രി നരേന്ദ്ര മോദി. പാർലമെന്റിൽ മികച്ച ചർച്ചകൾ നടക്കണമെന്നാണ് ജനങ്ങൾ ആഗ്രഹിക്കുന്നത്. നല്ലൊരു ഭാവിയ്‌ക്കായി അവർ അവരുടെ ഉത്തരവാദിത്വങ്ങൾ കൃത്യമായി നിറവേറ്റുന്നുണ്ടെന്നും പ്രധാനമന്ത്രി പറഞ്ഞു. പാർലമെന്റിന്റെ ശീതകാല സമ്മേളനം ആരംഭിക്കുന്നതിന് മുന്നോടിയായി മാദ്ധ്യമങ്ങളോട് സംസാരിക്കുകയായിരുന്നു പ്രധാനമന്ത്രി.
പാർലമെന്റിൽ പ്രതിപക്ഷം ഉന്നയിക്കുന്ന മുഴുവൻ ചോദ്യങ്ങൾക്കും ഉത്തരം നൽകാൻ കേന്ദ്രസർക്കാർ തയ്യാറാണ്. എല്ലാ വിഷയവും ചർച്ച ചെയ്യും. പാർലമെന്റിൽ വാദപ്രതിവാദങ്ങൾ ഉണ്ടാകണം. എന്നാൽ സഭയുടെ മാന്യത കാത്തുസൂക്ഷിച്ചുകൊണ്ടാകണം ഇതെന്നും പ്രധാനമന്ത്രി ഒർമ്മിപ്പിച്ചു.
രാജ്യതാത്പര്യങ്ങൾ അനുസിരിച്ചുള്ള ചർച്ചകളും തീരുമാനങ്ങളുമാണ് പാർലമെന്റിൽ ഉണ്ടാകേണ്ടതെന്ന് വ്യക്തമാക്കിയ പ്രധാനമന്ത്രി കൊറോണ വൈറസിന്റെ പുതിയ വകഭേദമായ ഒമിക്രോണിനെതിരെ ജാഗ്രത പാലിക്കണമെന്നും വ്യക്തമാക്കി.
