കണ്ണൂർ : കെ ടി ജയകൃഷ്ണൻ മാസ്റ്റർ ബലിദാന ദിനത്തോടനുബന്ധിച്ച് പുഷ്പാർച്ചനയും അനുസ്മരണ സാംഘിക്കും നടത്തി. മാക്കൂൽ പീടികയിലെ വീട്ടുവളപ്പിലെ സ്മൃതി മണ്ഡപത്തിലാണ് പുഷ്പാർച്ചന നടത്തിയത്. സിപിഎമ്മുകാർ അതി ക്രൂരമായി കൊലപ്പെടുത്തിയ ജയകൃഷ്ണൻ മാസ്റ്ററുടെ 22ാം ബലിദാനമാണ് ഇന്ന്.
ബിജെപി ദേശീയ നിർവ്വാഹക സമിതി അംഗം പി.കെ. കൃഷ്ണദാസ്, ഹിന്ദു ഐക്യവേദി വർക്കിംഗ് പ്രസിഡണ്ട് വത്സൻ തില്ലങ്കേരി , ബിജെപി സംസ്ഥാന വക്താവ് സന്ദീപ് വചസ്പതി , യുവമോർച്ച സംസ്ഥാന പ്രസിഡണ്ട് പ്രഫുൽ കൃഷ്ണ , ആർ എസ് എസ് പ്രാന്തീയ സഹ സമ്പർക്ക പ്രമുഖ് പി.പി. സുരേഷ് ബാബു തുടങ്ങിയ പ്രമുഖർ ജയകൃഷ്ണൻ മാസ്റ്ററുടെ സ്മൃതി മണ്ഡപത്തിൽ പുഷ്പാർച്ച നടത്തി. വീട്ടിൽ നടന്ന പുഷ്പാർച്ചനയ്‌ക്ക് ശേഷം പാനൂർ കാര്യാലയത്തിലായിരുന്നു അനുസ്മരണ സാംഘിക്കും നടത്തിയത്. ആർ എസ് എസ് കണ്ണൂർ വിഭാഗ് സഹകാര്യവാഹ് രാഗേഷ് പരിപാടിയിൽ മുഖ്യപ്രഭാഷണം നടത്തി.
1999 ഡിസംബർ ഒന്നിനാണ് ജയകൃഷ്ണൻ മാസ്റ്റർ കൊല്ലപ്പെട്ടത്. ആയുധങ്ങളുമായെത്തി സിപിഎം പ്രവർത്തകർ ക്ലാസ് മുറിയിൽ വിദ്യാർത്ഥികൾക്ക് മുൻപിലിട്ട് അദ്ദേഹത്തെ വെട്ടിക്കൊലപ്പെടുത്തുകയായിരുന്നു.
