ന്യൂഡൽഹി: റിലയൻസ് ഇൻഡസ്ട്രീസ് മേധാവി മുകേഷ് അംബാനിക്ക് 2021ൽ സഹായകരമായ പുസ്തകങ്ങൾ ഏതൊക്കെയാണെന്നാണ് ഇപ്പോൾ സോഷ്യൽ മീഡിയയിൽ ചർച്ചയാകുന്നത്. ഏഷ്യയിലെ ഏറ്റവും സമ്പന്നനായ രണ്ടാമത്തെ വ്യക്തിയായ മുകേഷ് അംബാനിയെ സഹായിച്ച പുസ്തകങ്ങൾ 2022ലേക്കും തന്നെ വേണ്ടവിധം പാകപ്പെടുത്തിയെന്ന് അദ്ദേഹം വ്യക്തമാക്കുന്നു. ഏതൊക്കെയാണ് ആ അഞ്ച് പുസ്തകങ്ങൾ എന്ന് നോക്കാം.
ഫരീദ് സക്കറിയ എഴുതിയ ‘ടെൻ ലെസൺസ് ഫോർ എ പോസ്റ്റ് പാൻഡമിക്ക് വേൾഡ്’
ദുർബലമായ സർക്കാരിന്റെ രീതികൾ മൂലവും സുസ്ഥിരമല്ലാത്ത ജീവിതരീതികൾ കാരണവും ലോകത്തുണ്ടാകുന്ന ദുരന്തങ്ങളെക്കുറിച്ചുമാണ് ഫരീദ് സക്കറിയയുടെ പുസ്തകത്തിൽ പറയുന്നത്.
റെയ് ദലിയോയുടെ ‘പ്രിൻസിപ്പിൾസ് ഫോർ ഡീലിങ് വിത്ത് ദ ചെയ്ഞ്ചിങ് വേൾഡ് ഓർഡർ: വൈ നാഷൻസ് സക്സീഡ് ആൻഡ് ഫെയിൽ.
കഴിഞ്ഞ 500 വർഷത്തിനിടയിൽ വിജയവും തോൽവിയും അഭിമുഖീകരിച്ച പ്രധാനപ്പെട്ട ചില രാജ്യങ്ങളെക്കുറിച്ചാണ് പുസ്തകത്തിൽ പരാമർശിക്കുന്നത്. കച്ചവടക്കാർ മാത്രമല്ല യുവജനങ്ങളും നയരൂപീകരണം നടത്തുന്നവരും എക്സിക്യൂട്ടീവുകളുമെല്ലാം ഒരുപോലെ വായിച്ചറിയേണ്ട പുസ്തകമാണിത്.
‘ദ റേഞ്ചിങ് 2020; കമ്പനീസ്, കൺട്രീസ്, പീപ്പിൾ-ആൻഡ് ദ ഫൈറ്റ് ഫോർ അവർ ഫ്യൂച്ചർ’ എന്ന അലെക്ക് റോസ് എവുതിയ പുസ്തകം
സർക്കാരും ജനങ്ങളും ബിസിനസുകാരും തമ്മിലുള്ള രേഖപ്പെടുത്താതെ പോകുന്ന ചില ഉടമ്പടികളെക്കുറിച്ചും ഡിജിറ്റൽ യുഗത്തെക്കുറിച്ചും വിശദമാക്കുന്ന പുസ്തമാണിത്.
മൗറോ ഗില്ലൻ എഴുതിയ ‘2030: ഹൗ ടുഡേ ബിഗ്ഗെസ്റ്റ് ട്രൻഡ്സ് വിൽ കൊളീഡ് ആൻഡ് റീഷെയ്പ്പ് ദ ഫ്യൂച്ചർ ഓഫ് എവരിതിങ്’
കൊറോണാനന്തരം 2030ലെത്തുമ്പോൾ ലോകത്തിന്റെ ഉൾക്കാഴ്ച എപ്രകാരമായിരിക്കുമെന്നും ജനസംഖ്യാശാസ്ത്രത്തിൽ വന്ന മാറ്റങ്ങൾ എന്നിവ ചർച്ച ചെയ്യുന്ന പുസ്കമാണിത്.
‘ബിഗ് ലിറ്റിൽ ബ്രേക്ക്ത്രൂസ്: ഹൗ സ്മോൾ, എവരിഡേ ഇന്നോവേഷൻസ് ഡ്രൈവ് ഓവർസൈസ്ഡ് റിസൾട്ട്സ്’ എന്ന ജോഷ് ലിങ്കറുടെ പുസ്തകം.
കൊറോണാനന്തര ലോകത്ത് തന്ത്രപരമായി മൈക്രോ ഇന്നോവേഷൻസ് രൂപീകരിക്കുന്നതിനുള്ള മാർഗനിർദേശങ്ങൾ വിശദമാക്കുന്ന പുസ്തകമാണിത്. സ്വയം സംരഭകരായ വ്യക്തികൾ തീർച്ചയായും ഈ പുസ്തകം വായിക്കണമെന്നും അംബാനി പറയുന്നു.
Comments