ലണ്ടൻ: ഒമിക്റോൺ വകഭേദം കാരണം യൂറോപ്പിലുടനീളമുള്ള കൊറോണ കേസുകളിൽ ഗണ്യമായ വർദ്ധനവാണ് ഉണ്ടായിരിക്കുന്നത്. അതിനിടെ യൂറോപ്പ്യൻ രാജ്യങ്ങൾക്ക് മുന്നറിയുപ്പുമായി ലോകാരോഗ്യ സംഘടന രംഗത്തെത്തി. വീണ്ടുമൊരു കൊടുങ്കാറ്റ് വരുന്നത് നമുക്ക് കാണാനാകുമെന്ന് ലോകാരോഗ്യ സംഘടനയുടെ യൂറോപ്പ് റീജിയണൽ ഡയറക്ടർ ഡോ. ഹാൻസ് ക്ലൂഗെ വിയന്നയിൽ വാർത്താ സമ്മേളനത്തിൽ പറഞ്ഞു.
ആഴ്ചകൾക്കുള്ളിൽ മേഖലയിലെ കൂടുതൽ രാജ്യങ്ങളിൽ വകഭേദം ആധിപത്യം സ്ഥാപിക്കും. യൂറോപ്യൻ മേഖലയിലെ 53 അംഗങ്ങളിൽ 38 പേരിലെങ്കിലും ഒമിക്രോൺ കണ്ടെത്തിയിട്ടുണ്ട്, യുകെ, ഡെൻമാർക്ക്, പോർച്ചുഗൽ എന്നിവിടങ്ങളിൽ ഇതിനകം തന്നെ വകഭേദം ്വ്യാപകമായിട്ടുണ്ടെന്ന് ക്ലൂഗെ കൂട്ടിച്ചേർത്തു.
കഴിഞ്ഞയാഴ്ച ഈ മേഖലയിൽ കൊറോണ വൈറസ് ബാധിച്ച് 27,000 പേർ മരിച്ചു, കൂടാതെ 2.6 ദശലക്ഷം കേസുകൾ കൂടി റിപ്പോർട്ട് ചെയ്യപ്പെട്ടു. ഈ കേസുകളിൽ ഒമിക്രോൺ മാത്രമല്ല, എല്ലാ വകഭേദങ്ങളും ഉൾപ്പെടുന്നുണ്ടെങ്കിലും, ഈ കണക്ക് കഴിഞ്ഞ വർഷം ഇതേ കാലയളവിനെ അപേക്ഷിച്ച് 40 ശതമാനം കൂടുതലാണെന്ന് അദ്ദേഹം ചൂണ്ടിക്കാട്ടി.
ഇതുവരെ യൂറോപ്പിൽ സ്ഥിരീകരിച്ച ഒമിക്രോൺ അണുബാധയുള്ളവരിൽ 89 ശതമാനം പേരിലും ചുമ, തൊണ്ടവേദന, പനി എന്നിവയുൾപ്പെടെ മറ്റ് കൊറോണ വകഭേദങ്ങളിൽ കാണുന്ന സാധാരണ ലക്ഷണങ്ങൾ റിപ്പോർട്ട് ചെയ്തതായി ക്ലൂഗെ പറഞ്ഞു. 20നും 30നും ഇടയിൽ പ്രായമുള്ള യുവാക്കളിലാണ് ഈവകഭേദം കൂടുതലായി പ്രചരിപ്പിച്ചതെന്നും അദ്ദേഹം കൂട്ടിച്ചേർത്തു.
ഒമിക്രോണിനെക്കുറിച്ച് കൂടുതൽ അറിവില്ലെങ്കിലും, മുൻ വകഭേദങ്ങളേക്കാൾ ഇത് കൂടുതൽ പകർച്ചവ്യാധിയാണെന്ന് ക്ലൂഗെ പറഞ്ഞു. ഇത് ഗണ്യമായ എണ്ണം ഒമിക്രൊൺ കേസുകളുള്ള രാജ്യങ്ങളിൽ മുമ്പ് കാണാത്ത വ്യാപന നിരക്കിലേക്ക് നയിക്കുന്നു. യൂറോപ്യൻ ഗവൺമെന്റുകൾ അവരുടെ വാക്സിനേഷൻ ക്യാമ്പയിനുകൾ വർദ്ധിപ്പിക്കണം, വേരിയന്റിന്റെ വ്യാപനം മന്ദഗതിയിലാക്കാൻ അധിക നടപടികൾ അവതരിപ്പിക്കണം, വരാനിരിക്കുന്ന കുതിച്ചുചാട്ടത്തിനായി ആരോഗ്യ സംരക്ഷണ സംവിധാനങ്ങൾ പോലുള്ള നിർണായക അടിസ്ഥാന സൗകര്യങ്ങൾ തയ്യാറാക്കണെന്നും ക്ലൂഗെ നിർദേശിച്ചു.
