ഗാസിയാബാദ്: ബി.ജെ.പി രാജ്യത്തെ മുന്നോട്ട് നയിക്കുന്നത് പറഞ്ഞതെല്ലാം നടപ്പാക്കി കൊണ്ടെന്ന് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. രാമക്ഷേത്ര നിർമ്മാണവും ജമ്മുകശ്മീരിലെ 370-ാം വകുപ്പ് റദ്ദാക്കിയതും രാജ്യത്തെ ജനങ്ങൾക്കുവേണ്ടിയാണെന്നും ആദിത്യനാഥ് പറഞ്ഞു. യു.പി തെരഞ്ഞെടുപ്പ് പ്രചാരണജന വിശ്വാസ് യാത്രയിലാണ് യോഗി ബി.ജെ.പി വാക്കുപാലിക്കുന്ന പാർട്ടിയാണെന്ന് ഓർമ്മിപ്പിച്ചത്.
ഞങ്ങളിതാ നിങ്ങളുടെ ഇടയിലേക്ക് എത്തിയിരിക്കുന്നു. ജനവിശ്വാസയാത്ര ജനങ്ങളുടെ അംഗീകാരം വാങ്ങുവാനാണ്. അഞ്ചുവർഷം മുമ്പ് ബി.ജെ.പി എന്തൊക്കെ വാഗ്ദ്ദാനം നൽകിയോ അതെല്ലാം അക്ഷരാർത്ഥത്തിൽ നടപ്പാക്കി കാണിക്കുകയാണ്. ഉത്തർപ്രദേശിലെ വികസനം അതിവേഗമാണ് പുരോഗമിക്കുന്നത് രാജ്യത്തെ ഏറ്റവും മികച്ച സംസ്ഥാനമായി യു.പിയെ മാറ്റുമെന്നും യോഗി ആദിത്യനാഥ് പറഞ്ഞു.
തെരഞ്ഞെടുപ്പിന് മുന്നോടിയായി പ്രധാനമന്ത്രി നരേന്ദ്രമോദിയും അമിത് ഷായും രാജ്നാഥ് സിംഗും നിതിൻ ഗഡ്കരിയും സ്മൃതി ഇറാനിയും ജെ.പി.നദ്ദയും ആദ്യഘട്ട യാത്രകൾ പൂർത്തി യാക്കികഴിഞ്ഞു. മദ്ധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാൻ ഉൾപ്പെടെയുളള നേതാക്കളും യുപിയിൽ എത്തിയിരുന്നു.
Comments