ഉനകോട്ടി : അനധികൃതമായി ഇന്ത്യയിലേക്ക് കടന്ന റോഹിങ്ക്യൻ കുടുംബത്തെ പോലീസ് അറസ്റ്റ് ചെയ്തു. ത്രിപുരയിലെ ഉനകോട്ടി ജില്ലയിൽ നിന്ന് ആറ് അംഗങ്ങളുള്ള റോഹിങ്ക്യൻ കുടുംബത്തെ പോലീസ് അറസ്റ്റ് ചെയ്തു .
ഗൗർനഗർ ബ്ലോക്കിലെ ഇച്ചബ്പൂരിലെ സഹ്നാജ് അലി എന്നയാളിന്റെ വീട് ത്രിപുര സ്റ്റേറ്റ് റൈഫിൾസ് ഉദ്യോഗസ്ഥർ റെയ്ഡ് ചെയ്താണ് ഇവരെ അറസ്റ്റ് ചെയ്തത്.
പിടിയിലായവരിൽ രണ്ട് മുതിർന്നവരും നാല് കുട്ടികളും ഉൾപ്പെടുന്നു, തങ്ങൾ ഇന്ത്യൻ പ്രദേശത്ത് അനധികൃതമായി പ്രവേശിച്ചതാണെന്ന് ഇവർ സമ്മതിച്ചു.
മേഘാലയയിലെ ദൗകിയിൽ നിന്ന് ഇന്ത്യയിലേക്ക് കടന്ന ഇവർ അസമിലേക്ക് മാറുകയായിരുന്നു. പിന്നീട് അവർ അഗർത്തലയിലേക്കുള്ള ട്രെയിനിൽ ത്രിപുരയിലെത്തി.
